Салгыы
Саха сиригэр улахан пуорум ыытыллыа

Саха сиригэр улахан пуорум ыытыллыа

22.03.2023, 17:03
Андрей Сорокин хаартыскаҕа түһэриитэ. СИА
Бөлөххө киир:
 СӨ Ил Дархана Айсен Николаев уонна ХИФУ ректора Анатолий Николаев эрэгийиэҥҥэ улахан научнай тэрээһиннэр боппуруостарын көрдүлэр. 

«Саха сиригэр килиимэт уларыйыытын үөрэтии улахан суолталаах. Научнай чинчийиилэр экэниэмикэ, инфраструктура, социальнай эйгэ сайдыытыгар уонна нэһилиэнньэ олоҕун хаачыстыбата үрдээһинигэр суолталаахтар. Манна научнай, үөрэтэр тэрилтэлэр сүрүн оруолу ыллалар», — диэн эттэ Айсен Николаев

Бэс ыйын саҥата ХИФУ көҕүлээһининэн улахан таһымнаах «Университеты и развитие геостратегических территорий России» пуорум ыытыллыахтаах.

Пуорум ыытыллыахтаах бырагырааматын уонна онно бэлэмнэнии туһунан ХИФУ ректора сырдатта.

Пуорум кыттыылаахтара сыалы-соругу ситиһиигэ ХИФУ оруолун уонна эрэгийиэннэр социальнай-экэнэмиичэскэй сайдыытын ырытыһыахтара.

Билигин Саха сиригэр килиимэт уларыйыытыгар уонна ирбэт тоҥ ириитигэр сыһыаннаах улахан кэмпириэнсийэ буола турар.  Бу тэрээһиннэр, төгүрүк остуоллар барыта ХИФУ былаһааккаларыгар буола тураллар.

«Өрөспүүбүлүкэ көҕүлээһининэн Арктическай Сэбиэт бэрэссэдээтэллээһининэн маннык кэмпириэнсийэни  ыытабыт. Килиимэт уларыйыытын чинчийиигэ элбэх уопут мунньулунна. Бу хайысхаҕа университекка биир күүстээх научнай оскуола тэриллибитэ. Норуоттар икки ардыларынааҕы кэмпириэнсийэни уопсай сүбэнэн үрдүк таһымнаахтык ыытыахпыт диэн эрэллээхпин,» — диэтэ Анатолий Николаев.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
19 июня
  • 13°C
  • Ощущается: 12°Влажность: 71% Скорость ветра: 3 м/с

Сообщить об опечатке

Текст, который будет отправлен нашим редакторам: