Саха сиригэр үлэлээбит үс вьетнамеһы Арассыыйаттан таһаардылар

Саха сиригэр үс вьетнамец үлэлииллэригэр көҥүллэммит идэлэринэн буолбакка, атынынан дьарыктана сылдьаллара биллибит. Кинилэр кафеҕа үлэлии сылдьыбыттара быһаарыллыбыт. Суут быһаарыныытынан, бу үс киһини дойдуттан таһаарбыттар.

Суут дьыала матырыйаалларын көрөн баран, Вьетнам үс олохтооҕор административнай ыстараабы уонна РФ таһыгар тахсалларыгар анаабыт.

Вьетнамецтары омук гражданнарын быстах кэмҥэ олордор кииҥҥэ илдьибиттэр, онтон РФ Суут бириистэптэрин федеральнай сулууспатын Саха сиринээҕи управлениетын үлэһиттэрэ дойдуттан таһаарбыттар.