Саха сирин аҕыс олохтооҕор «Үлэ бэтэрээнэ» дастабырыанньаны туттардылар

Бэҕэһээ, бэс ыйын 20 күнүгэр, Саха сирин аҕыс олохтооҕор «Үлэ бэтэрээнэ» дастабырыанньаны туттардылар. Дьаһал эрэгийиэҥҥэ Үлэ сылыгар ананна. Ол туһунан Элбэх хайысхалаах киин (МФЦ) пресс-сулууспата иһитиннэрдэ.

«Саҥа» үлэ бэтэрээнэ Лилия Захаркина кэпсээбитинэн, кини үлэтэ 17 сааһыттан саҕаламмыт. Бастаан ыанньыксыттаабыт, онтон сэкирэтээрдээбит, салгыы култуура эйгэтигэр 28 сыл үлэлээбит. Билигин кини циркаҕа үлэлии-хамсыы сылдьар.

СӨ Үлэҕэ уонна социальнай сайдыыга миниистирин бастакы солбуйааччы Альбина Трубина бэтэрээннэри эҕэрдэлээтэ уонна килбиэннээх үлэлэрин иһин махтанна. Кини бэтэрээннэр эдэрдэргэ аҕа сүбэһит буолалларыгар эрэллээҕин биллэрдэ.

Үлэ бэтэрээннэригэр социальнай өйөбүл миэрэлэрин уонна «Карта жителя Якутии» бырайыак туһунан кэпсээтилэр.