Саха сирин мобильнай быраастарын биригээдэтэ Үөһээ Дьааҥыга айаннаата

Былаан быһыытынан Саха сирин мобильнай биригээдэтин быраастара Үөһээ Дьааҥы улуустарыгар кулун тутар 27 күнүгэр диэри үлэлиэхтэрэ.

Быраастар Табалаах, Адыаччы, Алыһардаах, Сайдыылаах, Оһохтоох, Чөрүмчэ уонна Хайыһардаах нэһилиэктэр олохтоохторун хабыахтара. Ол кэннэ мобильнай быраастар биригээдэлэрэ кулун тутар 12 күнүгэр  Аллараа Халымаҕа, Усуйаанаҕа, Орто Халымаҕа, Өймөкөөҥҥө уонна Аллараа Халымаҕа тиийиэхтэрэ.

Ити кэмҥэ стоматологическай бөлөх быраастара Орто Халымаҕа көтөргө бэлэмнэнэллэр. Эбэх, Сылгы Ыытар уонна Хатыҥнаах нэһилиэктэргэ сылдьыахтара. Өлүөнэ уонна Усуйаана оройуоннарыгар оҕо исписэлиистэрэ кулун тутар 18 күнүгэр тиийэллэрэ былааннанар.

Бу иннинэ элбэх хайысхалаах Саха сиринээҕи мобильнай быраастарын биригээдэтэ Аллараа Халымаҕа уонна Эбээн-Бытантайга сылдьан, тыһыынчаттан тахса оҕону бэрэбиэркэлээбитэ.

Санатан эттэххэ, «Мобильнай биригээдэ Саха сиринээҕи киинэ» бырайыагы Ил Дархан Айсен Николаев көҕүлээбитэ. Бу үлэ Саха сиригэр дойду Бэрэсидьиэнэ Владимир Путин сорудаҕынан мэдэссиинэ көмөтүн хаачыстыбатын үрдэтиигэ туһуланар.

 СӨ Ил Дарханын уонна Бырабыыталыстыбатын пресс-сулууспата