Саха сирин охчуттара Арассыыйа кубогар үрүҥ көмүс призердарынан буоллулар
14.05.2023, 11:57
Хаартыска: Саха сирин cүүмэрдэммит хамаандата.
Бөлөххө киир:
Саха сирин дьахталларга сүүмэрдэммит хамаандата классическай оҕунан ытыыга Арассыыйа кубогар үрүҥ көмүс призерунан буолла. Өрөспүүбүлүкэ хамаандатыгар Кристина Устинова, Рената Гаврильева уонна Розалина Тимофеева бааллар.
Арассыыйа Кубога Крымҥа буолан ааста. Классическай оҕунан ытыы ыам ыйын 13 күнүгэр түмүктэннэ. Саха сирин спортсменнара хас даҕаны эрэгийиэн хамаандатын кыайан финалга таҕыстылар.
Кыһыл көмүһү былдьаһыыга Забайкальскай кыраай охчуттарын кытта көрүстүлэр. Манна 26:27 ахсаанынан хотторон, күрэхтэһиигэ иккис миэстэни ыллылар.
Үһүс миэстэ Москуба сүүмэрдэммит хамаандата буолла.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: