Саха сирин олохтооҕо Евгений Кривошапкин Эверест хайатыгар таҕыста

Саха сирин олохтооҕо Евгений Кривошапкин түүн, ыам ыйын 14 күнүгэр, аан дойду саамай үрдүк чыпчаалыгар – 8,8 км үрдүктээх Эверест хайатыгар таҕыста. Ол туһунан «Эверестка айан» диэн эспэдииссийэҕэ анаммыт тelegram- ханаалга иһитиннэрдилэр.

«Билигин кинилэр хайаттан төттөрү түһэн эрэллэр! Барыта үчүгэйдик ааһыа диэн эрэнэбит», — диэн тelegram-ханаалга бэлиэтээтилэр.

Санатан суруйдахха, Евгений Кривошапкины кытта хайаҕа Непалтан сылдьар биллэр альпинист Пасанг Лама Шепра уонна «Милаку Экстрим» диэн Эверестка дабайыы хамаанда салайааччыта, аан дойду хас да төгүллээх рекордсменката Оксана Морднева таҕыстылар.

Түөрт уон саастаах Евгений Кривошапкин Өймөкөөн улууһун Уус Ньаратыттан сылдьар.