Америка киинэ ускуустубатын академиктара “Оскар” наҕараадаҕа турбут киинэлэр кылгас испииһэгин (шорт-лист) бу күннэргэ уопсастыбаннас иннигэр таһаардылар.
Бу испииһэккэ Саха сириттэн төрүттээх Максим уонна Евгения Арбугаевтар «Выход» («Haulout») диэн айымньылара “Бастыҥ кылгас документальнай киинэ” диэн номинацияҕа турбута билиннэ. Быйыл бу номинацияҕа аан дойду араас дойдуларыттан 15 киинэ киирбит.
Документальнай лиэнтэ Максим Чакилев диэн биолог учуонай Чукоткаҕа моржалары чинчийэрин кэпсиир.
Арбугаева Евгения аан дойдуга биллэр фотограф, кини үлэлэрэ хаста даҕаны улахан сурунаалларга бэчээттэммиттэрэ, фотография эйгэтигэр аптарытыаттаах бириистэри сүүйбүтэ. Киинэҕэ маҥнайгы холонуута.
Кини бииргэ төрөөбүт быраата Максим Арбугаев киинэҕэ оператор, режиссер быһыытынан биллэр үлэлэрдээх. «Генезис 2.0» диэн документальнай киинэни Швейцария режиссерун Кристиан Фрай кытта бииргэ устубуттара. Бу киинэ АХШ биир биллэр «Sundance» киинэ бэстибээлигэр сүрүн күрэххэ киирбитэ.
Кэлэр сылга “Оскар” бириэмийэ 95-с церемонията кулун тутар 12 күнүгэр буолар.
Анал байыаннай дьайыы кыттыылаахтарын 10 мөлүйүөн солкуобайга диэри иэстэрин тохтотуу быраабылатыгар сокуон үлэлииригэр өссө биир…
Бу күннэргэ хоту дойду үгүс олохтоохторо кыстыыр балыктарын булунаары, айахтарыгар сииллэригэр анаан муус аннынан балыктыыллар.…
Күһүн, кыһын хаар түстэҕинэ, ириэрдэҕинэ, суолга муус-хаар бөлтөркөйдөр үөскээн, массыынаҕа да, сатыы дьоҥҥо да мэһэйдииллэр.…
Бүгүн, алтынньы 29 күнүгэр, Дьокуускай куорат Губинскай уокуругар саҥардыллыбыт Ефимов уулуссата үлэҕэ киирдэ. Бу суол…
Быйыл ахсынньыга Саха сиригэр «Хаар баабыр» («Снежный барс») XXVII Өрөспүүбүлүкэтээҕи байыаннай-успуорт оонньуулара былааннаналлар. Бу тэрээһин…
Анал байыаннай дьайыы зонатыгар Саха сирин тирэх пууннарын үлэһиттэрэ нэдиэлэ иһигэр 11 төгүл тахса сырыттылар.…