Сахалыы тылбаастаммыт «Кунг-Фу Панда» улахан экраҥҥа көһүннэ (ВИДЕО)

Мэҥэ Хаҥалас Тиэлиги сэлиэнньэтин С.И. Борисова аатынан норуот айымньытын дьиэтэ уонна улуустааҕы култуура салалтатын үлэһиттэрэ «Кунг-Фу Панда» ойуулук бастакы чааһын сахалыы тылбаастаан, оруоллары толорон таһаардылар.

Айар бөлөх төрөөбүт тылбыт сүппэтин, симэлийбэтин туһугар үлэлиир-хамныыр. Бүгүн, атырдьах ыйын 31 күнүгэр, «Азия» киинэ тыйаатырыгар сахалыы саҥарар «Кунг-Фу Панда» ойуулук көһүннэ.

Төрөппүттэри оҕолоругар төрөөбүт тылларынан ойуулуктары үгүстүк үөрэтэр, умсугутар сыаллаах көрдөрөллөрүгэр айар бөлөх ыҥырар.

Эльдар Садовников.