Саха сиригэр “Биир ньыгыл Арассыыйа” баартыйа уопсастыбаннай өйөбүлүн ыстааба аһылынна

Муус устар 25 күнүгэр Саха сиригэр “Биир ньыгыл Арассыыйа” баартыйа уопсастыбаннай өйөбүлүн ыстааба аһылынна. Бу дойду үрдүнэн тохсус ыстаап буолар.

“Дойду сайдыытын туһугар эппиэтинэһи сүгэр баартыйа кэми кытта тэҥҥэ уларыйыахтаах, кэлэр кэм соруктарыгар эппиэттиэхтээх. Баартыйа уопсастыбаннай өйөбүлүн ыстааба – уопсастыбаннай приемнайдар саҥа уларыйбыт көрүҥнэринэн буолар. Маннык киэбинэн үлэ дьоҥҥо туһата улахан буолуо диэн эрэнэбин. Манна дьон-сэргэ сүбэ, көмө көрдөөн кэлэр буолуоҕа”, — диэн этэр Айсен Николаев.

Мунньахха баартыйа Саха сиринээҕи кэмитиэтин  салайар Руслан Платонов, “Биир ньыгыл Арассыыйа” баартыйа уопсастыбаннай өйөбүлүн ыстаабын салайар Сулустан Заболоцкай, баартыйа олохтоох салаатын сэкирэтээрэ Виктор Федоров тыл эттилэр.