Сангаар бөһүөлэгэр быраҕыллыбыт массыыналары хомуйан тиэйдилэр

Кэбээйи улууһугар “Ыраас бөһүөлэк!” экологическай аахсыйа бара турар.

Сангаар бөһүөлэгин сириттэн-уотуттан 17 быраҕыллыбыт массыынаны бөх быраҕар сиргэ илтилэр.

Тэрээһиҥҥэ Судаарыстыбаннай-экологическай кэтээн көрүү Кэбээйитээҕи инспекцията уонна Сангаардааҕы хайа-тиэхиньиичэскэй тэрилтэ кытыннылар.

“Ыраас бөһүөлэк!” аахсыйаны өрөспүүбүлүкэ сүрүн эколога Евгений Перфиньев көҕүлээбитэ, манна ким баҕарар кыттар.