Санкт-Петербурга Саха сирин күннэрин иитинэн умнуллубат бэлиэ тэрээһиннэр буоллулар.
Саха суругун-бичигин төрүттээбит лингвист-учуонай, уопсастыбаннай-бэлитиичэскэй диэйэтэл, бастакы алпаабыты оҥорбут, Петроградтааҕы судаарыстыбаннай университеты бүтэрбит Семен Андреевич Новгородов аатынан искибиэргэ өйдөбүнньүк мэҥэ тааһы ууруу умнуллубат тэрээһинигэр дьон-сэргэ тоҕуоруста.
РФ бэрэсидьиэнигэр СӨ бастайааннай бэрэстэбиитэлэ Андрей Федотов бу Санкт-Петербург-Ленинград уонна Саха сирин историяларыгар суолталаах күн буоларын бэлиэтээтэ.
«Семен Андреевич Арассыыйа судаарыстыбатыгар сибээс өссө бөҕө, чиҥ буоларыгар элбэҕи оҥорбута. Семен Андреевич Новгородов төрөөбүтэ 130 сылыгар, Санкт-Петербург салалтата саха норуотун чулуу бэрэстэбиитэлин туһунан үйэтитиигэ быһаарыныыта улахан үөрүүлээх. Тиһиктээх үлэ ыытыллар буолан, сибээс өссө бөҕөргүүр», — диэн этэр Андрей Сандаминович.
«Саха сирин уопсастыбаннаһын баҕа санаатыгар хардаран, Санкт-Петербург Бырабыыталыстыбатын уонна биһиги губернаторбыт быһаарыыларынан, искибиэргэ Семен Новгородов аата иҥэриллибитэ. Биһиги оройуоммут сыала, бу сири тупсарыы. Маныаха Чурапчы оройуона үлэҕэ кыттыһарыгар эрэнэбин», — диир Санкт-Петербург Выборгтааҕы оройуонун дьаһалтатын баһылыга Виктор Полунин.
Чурапчы улууһун баһылыга Степан Саргыдаев Саха сирин олохтоохторун ааттарыттан Санкт-Петербург Бырабыыталыстыбатыгар уонна Выборг оройуонун салалтатыгар Семен Новгородов төрөөбүтэ 130, САССР 100 сылларыгар олус үчүгэй бэлэхтэрин иһин махтанна.
Санкт-Петербург Выборг оройуона уонна лингвист-учуонай Семен Новгородов төрөөбүт дойдута Чурапчы улууһа, бары эйгэҕэ хардарыта сибээһи ыкса тутан бииргэ үлэлииргэ Сөбүлэһиигэ илии баттаатылар.
Ил Дархан уонна СӨ Бырабыыталыстыбатын пресс-сулууспата
Андрей Сорокин (СИА) хаартыскаларга түһэриитэ
Бэҕэһээ Дьокуускайга Саха сирин Волейболга Федерациятын уочарата суох киэҥ ыҥырыылаах мунньаҕа буолла. Мунньахха Федерация бэрэссэдээтэлин…
Уһук хотугу эргимтэҕэ сытар Өлөөн оройуонугар "Кэнчээри" оҕо сайдар киинин иһинэн өрөспүүбүлүкэтээҕи "Эркээйи эргиирэ" пилотнай…
Лиирик-бэйиэт Гавриил Григорьевич Вешников-Баал Хабырыыс хоһооннорунан ырыанньык бэчээттэнэн таҕыста. Саҥа кинигэни бэйиэт төрөөбүт-үөскээбит Курбуһаҕын бибилэтиэкэтэ…
Үс оскуоланы тутуохтара. Бу үөрүүлээх түгэни Өрөспүүбүлүкэ күнүгэр сөп түбэһиннэрэн ыыттылар. Муусука үрдүкү оскуолатын кампуһун…
Аммалар Өрөспүүбүлүкэ күнүгэр анаан субуотунньук тэрийбиттэр. Уһун күөл тулатын ыраастаабыттар. Субуотунньукка сүүсчэкэ үөрэнээччи кыттыыны ылбыт. Бүтүн…
Суоттуга сэргэх тэрээһин буолла. Өрөгөй ырыатын биһирэмигэр нэһилиэк олохтоохторо муһуннулар. Бу күн «Мичээр» сынньалаҥ киинигэр…