Сарсын Саха сиригэр 45 кыраадыска тиийэ тымныйыаҕа

Саха сиригэр сылыйыыны аҕалбыт циклон баран, Дьокуускайга, киин уонна да атын улуустарга биллэ тымныйда. Сарсын, сэтинньи 16 күнүгэр, салгын температурата өссө тымныйара күүтүллэр.

Дьокуускайга субуота үүнэр түүнүгэр  -30…-32 кыраадыс, күнүс -24…-26 кыраадыс буолуоҕа, итиэннэ сөҥүү түспэт диэн СӨ УГМС иһитиннэрэр.

Киин улуустарга түүн салгын температурата  -25…-30 кыраадыс, илин эҥээр улуустарга -32…-37 кыраадыс, хотугулуу-арҕаа, хотугулуу-илин улуустарга -40…-45 кыраадыс буолуоҕа.

Киин улуустарга күнүс салгын температурата -21…-26 кыраадыс, соҕуруу улуустарга -15…-20 кыраадыс, Халыма улуустарыгар -30…-35°, хотугулуу-илин, хотугулуу-арҕаа улуустарга -35…-40 кыраадыс буолара сабаҕаланар.

Арҕаа, соҕуруу, илин сорох сирдэринэн кыралаан хаардыаҕа.