СӨ Национальнай бибилэтиэкэтигэр Саха сирин норуоттарын тылларынан тахсыбыт бастакы кинигэлэр быыстапкалара буолар
22.01.2024, 17:21
СӨ Национальнай бибилэтиэкэтин медиа-киинэ.
Бөлөххө киир:
Тохсунньу 22-31 күннэригэр Дьокуускайга СӨ Национальнай бибилэтиэкэтигэр Саха сирин норуоттарын тылларынан тахсыбыт бастакы кинигэлэр быыстапкалара буолар. Быыстапкаҕа бибилэтиэкэ Кинигэ пааматынньыктарын научнай-чинчийэр киинигэр хараллан сытар ураты кинигэлэрин кытта билсиэххэ сөп. Кинигэлэри QR-куод нөҥүө көрүөххэ сөп.
Саха тылынан бастакы кинигэлэри таһаары христианизацияны уонна оччотооҕу кыраай олохтоох нэһилиэнньэтин күргүөмнээхтик кириһиэнньэлээбиттэрин кытта сибээстээх. Саха сирин үөрэҕэ суох нэһилиэнньэтин үөрэххэ уонна сырдатыыга Таҥара кинигэлэрин тылбаастааһынтан саҕаламмыта. Онон бу кинигэлэр култуура эрэ өттүнэн буолбакка, устуоруйа сыаннастарынан эмиэ буолаллар.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: