Сэмэн Тумат айар биэчэрэ

Сарсын, олунньу 26 күнүгэр, күнүс 15:00 чаастан Национальнай бибилэтиэкэ Устуоруйаҕа саалатыгар Семен Андреевич Попов-Тумат 80 сааһын туолбут үөрүүлээх түһүлгэҕэ саха литэрэтиирэтин сэргээччилэри ыҥыраллар.

Ол курдук, бу күн Семен Андреевич Попов-Тумат, саха норуодунай суруйааччыта, П.А. Ойуунускай аатынан судаарыстыбаннай, Амма Аччыгыйа аатынан Ил Дархан, С.А. Новгородов аатынан Саха Өрөспүүбүлүкэтин бириэмийэлэрин лауреата, Арассыыйа суруйааччыларын сойууһун, Саха сирин бырабылыанньатын чилиэнэ, прозаик, бэйиэт, оҕо суруйааччыта, тылбаасчыт, кириитик, публицист, литэрэтиирэни үйэтитээччи, Чурапчы уонна Булуҥ улуустарын ытык киһитэ 80 сааһын туолбут үөрүүлээх тэрээһинэ ыытыллыаҕа.

Кинини кытта атах тэпсэн олорон суруналыыс Ангелина Васильева кэпсэтиитин  Сэмэн Тумат: «Көҥдөй көлүөнэ буолбатахпыт…»  сигэҕэ киирэн көр.