Ил Дархан Айсен Николаев Анал этиитигэр эһиилги сылы Үлэ сылынан биллэрбитэ ураты суолтаны ылла. Дойду үрдүнэн быһыы-майгы уларыйар кэмигэр эспиэрдэр үлэтэ суох буолуу элбиирин сабаҕалаабыттара. Ол гынан баран Саха сирэ үлэнэн хааччыйыыга тиһиктээх үлэни ыытар, онуоха барамыысыланнай тэрилтэлэр төһүү буолаллар.
Бу туһунан «АЛРОСА» хампаанньа генеральнай дириэктэрэ-бырабылыанньатын бэрэссэдээтэлэ Сергей Иванов санаатын үллэһиннэ:
— Саха Өрөспүүбүлүкэтин баһылыга Айсен Николаев Анал этиитигэр кэлэр 2023 с. Үлэ сылынан биллэрдэ. Кэлэр сылга биһиги хампаанньабыт саҥа үлэ миэстэтин тэрийиини таһынан, каадырдары үөрэтиинэн, бэлэмнээһининэн дьарыктаныа. Эспиэрдэр бу сыл кулун тутар-муус устар ыйдарыгар Арассыыйа үрдүнэн үлэтэ суох буолуу үрдүө диэн эппиттэрэ, ол гынан баран, дойдуга уонна чуолаан, Уһук Илин уонна Саха сиригэр биһиги билигин көрөрбүтүнэн, бырамыысыланнаска үлэ миэстэтэ элбэх, ону дьонунан толорор уустук курдук буолла. «АЛРОСА» хампаанньа бу сыл 9 ыйын эрэ устата 2000-н тахса киһини, Саха сирин олохтоохторун үлэнэн хааччыйда. Кэлэр сылга өссө эбии 2000-тан тахса үлэ миэстэтин тэрийэн, өрөспүүбүлүкэ олохтоохторун үлэлэтэр былааннаахпыт.
Ол курдук, оҥорон таһаарыыга наадалаах, чуолаан, суоппар, суоппар-мэхээньик, силиэсэр, гидрогеолог, минеролог идэлэригэр ылыахпыт. Бу идэлэри Саха сирин олохтоохторо интэриэһиргээн, чугас кэмҥэ үлэһиттэри ылан, кэлэр сылга ылыныллыбыт оҥорон таһаарыы былаанын толоруохпут диэн эрэнэбин. Онуоха биһиги Каадырбыт киинэ-корпоративнай университеппыт күүскэ үлэлиир, онон үлэнэн Саха сирин олохтоохторун хааччыйарга бэлэммит.
Ил Түмэн Бэрэссэдээтэлэ Алексей Еремеев бүгүн Нам сэлиэнньэтигэр оробуочай сырыынан тиийдэ. Үлэ сүрүн соруга –…
Мас-рестлиҥҥэ Арассыыйа сүүмэрдэммит хамаандатын састааба билиннэ. Бу туһунан Өрөспүүбүлүкэтээҕи сүүмэрдэммит хамаандалары успуорка бэлэмнээһин киинэ иһитиннэрдэ.…
Норуодунай суруйааччы Баһылай Харысхал төрөөбүтэ 75 сылыгар анаммыт төгүрүк остуол Национальнай бибилэтиэкэ Устуоруйа саалатыгар буолла.…
Роспотребнадзор иһитиннэрэринэн, ааспыт нэдиэлэҕэ өрөспүүбүлүкэ үрдүнэн 10 659 киһи ыалдьыбыта бэлиэтэммит. Үһүс нэдиэлэтин ОРВИнан уонна гириибинэн…
ИДьМ Алдан оройуонунааҕы салаатын Госавтоинипсиэксийэ отделын үлэһиттэрэ урут сууттана сылдьыбыт 35 саастаах эр киһи сымыйа…
Арассыыйа бэрэсидьиэнэ Владимир Путин "Илиҥҥи экэнэмиичэскэй пуорум-2025" түмүгүнэн кэккэ сорудахтар испииһэктэрин бигэргэттэ. Испииһэккэ сэдэх металлары…