Бүгүн Украинаҕа буола турар анал байыаннай эпэрээссийэҕэ дойдубутун араас итэҕэллээх элбэх омук дьоно көмүскүү сылдьар – бу Арассыыйа кыайыыга мэктиэтэ буолар диэн РФ Бэрэсидьиэнин дьаһалтатын бастакы солбуйааччыта Сергей Кириенко ТАСС ааҕыныстыбаҕа иһитиннэрэр.
«Мин этиэм этэ: бүгүн дойдубутун киэҥ нэлэмэн Арассыыйабытын араас итэҕэллээх, элбэх омук – нууччалар, чеченнэр, сахалар, башкирдар, о.д.а. көмүскүүллэр, кинилэр биир сомоҕо буолан, биир окуопаҕа сытан, итэҕэллэриттэн тутулуга суох, бары Кыайыы иһин үҥэллэр – ол буолар биһиги кыайыыбыт мэктиэтэ», – диэн Кириенко Чечня Өрөспүүбүлүкэтигэр Гудермеска Арассыыйа спезнаһын университетын базатыгар сылдьан бэлиэтээн эттэ.
Бу күннэргэ Бэрэсидьиэн дьаһалтатын бастакы солбуйааччыта Сергей Кириенко уонна Арассыыйа Уһук Илиҥҥи уокурукка боломуочуйалаах бэрэстэбиитэлэ Юрий Трутнев Чечняҕа үлэлии кэлбиттэрин туһунан баһылык Рамзан Кадыров этэн турар.
Манна даҕатан эттэххэ, «Сахамедиа» холдинг уонна «Саха» национальнай көрдөрөр-иһитиннэрэр хампаанньа суруналыыстара Грознайга Арассыыйатааҕы спецназ университетыгар байыаннай кэрэспэдьиэннэр куурустарыгар үөрэммиттэрэ. Военкордар анал байыаннай дьайыылар бара турар сирдэригэр номнуо «бойобуой сүрэхтэниини» ааһан, үлэлээн бу өрөбүллэргэ дойдуларыгар кэллилэр.
Ыам ыйын 6 күнүгэр ЫБММ Саха сиринээҕи Кылаабынай управлениетыгар Мииринэй оройуонун Таас Үрэх бөһүөлэгиттэн 39…
Саха сиригэр быйыл “Бүтэһик чуораан” тэрээһиннэрэ ыам ыйын 24-25 күннэригэр буолуохтара. Бу туһунан Үөрэх уонна…
Муус устарга Астана куоракка Казахстан Өрөспүүбүлүкэтин Национальнай түмэлигэр “Саха сирин күндү кылаата” диэн Саха сирин…
Өрөспүүбүлүкэтээҕи 2 №-дээх балыыһа хирургияҕа киинин мобильнай биригээдэтэ муус устарга өрөспүүбүлүкэ 3 улууһугар үлэлээтэ. Ол…
Бүгүн сарсыардаттан Таатта улууһугар киһи өлүүлээх иэдээн тахсыбытын туһунан сурах тилийэ көттө. Ким буолара биллибэт…
Сыл аайы Кыайыы күнүн көрсө, бэтэрээннэргэ, сэрии сылларын оҕолоругар анаан араас тэрээһиннэр ыытыллаллар. Быйыл эмиэ…