Салгыы
Сергей Зверев-Кыыл Уола аатынан Үҥкүү тыйаатырын  оркестра Бурятия байыаннай чаастарыгар сырытта

Сергей Зверев-Кыыл Уола аатынан Үҥкүү тыйаатырын  оркестра Бурятия байыаннай чаастарыгар сырытта

Ааптар:
19.03.2023, 19:34
Хаартысканы ааптар тиксэрдэ.
Бөлөххө киир:

Айар кэлэктиип Илин байыаннай уокурук чааһыгар сулууспалыыр саха саллааттарын кытта көрсүһүүтэ СӨ норуодунай артыыһа Д. Артемьев алгыһынан саҕаланна. Саала иһин түптэ сыта, аал уот сылаас суһума дьикти иэйиинэн толордо.

Хаартысканы ааптар тиксэрдэ.

Дойдуларыттан тэлэһийэн, ытык иэстэрин толоро сылдьар уолаттарга ох саа-кыл, кыл кылыһах, таҥсыр бөҕө куту-сүрү иҥэрдэ. Бу байыаннай чааска отучча саха уолана сулууспалыыр. Хаҥаластан Алексей Лебедев, Орто Халыматтан Толбон Татаринов, Уус Алдантан Андрей Казаков, Дьокуускайтан Айаал Баишев, Николай Гоголев сулууспа этэҥҥэ баран иһэрин кэпсээтилэр, бииргэ сулууспалыыр уолаттарын ааттарыттан дойдуларыгар төлөннөөх эҕэрдэ тиэртилэр. Хатастан сылдьар Александр Белолюбскай балалайкаҕа «Катюшаны» оонньоон, тыйаатыр кэлэктиибин биһирэбилин ылла.

Байыаннай чаас салалтата этэринэн, Саха сириттэн сылдьар уолаттар тулуурдарынан, көнөлөрүнэн холобурга ааттанар дьон. Кинилэргэ кэмиттэн-кэмигэр Бурятияҕа олорор А.А. Лугинов салайар «Сэргэ» биир дойдулаахтар түмсүүлэрэ уонна Саха сирин саллааттарын кэмитиэтин Бурятияҕа бэрэстэбиитэлэ П.П. Ильина көҕүлээһиннэринэн көрсүһүүлэр тэрээһиннэр, ыһыах ыытыллар.

Бүгүҥҥү көрсүһүүгэ саха саллааттара
дойдуларын сылаас тыынын иҥэриммит Н.П. Петров салайар норуот үнүстүрүмүөннэрин идэтийбит оркестрын, А.И. Томская салайар «Кыл Саха», Р. Габышев ох сааҕа дьүһүйүүтүн, Д. Артемьев олоҥхоттон толоруутун, Үҥкүү тыйаатырын артыыстара С. Винокурова, Н. Павлов үҥкүүлэрин, СӨ норуодунай артыыһа Г. Петров, Арассыыйатааҕы, норуоттар икки ардыларынааҕы ырыа куонкурустарын лауреата Е. Захарова, А. Карманов, А.Федоров иэйиилээх ырыаларын, В. Шарина хомуска, В.Боярскай байааҥҥа ураты дьүрүскэннэрин, оркестры салайан оонньоппут СӨ култууратын туйгуна А.Н. Иванованы дохсун ытыс тыаһынан доҕуһуоллаатылар.

Үҥкүү тыйаатырын дириэктэрэ А.И. Алексеев байыаннай чаас сулууспалаахтарыгар, дойдуга дьоһун иэстэрин толоро сылдьар саха уолаттарыгар этэҥҥэ буолууну баҕарда, айар кэлэктиип илдьэ кэлбит кэһиитин туттарда. Кини Саха сирэ биир дойдулаахтарынан киэн туттарын тоһоҕолоон бэлиэтээтэ. Тыйаатыр литератураҕа чааһын сэбиэдиссэйэ В.Н. Черноградская саллаат Толбон Татариновка, бу тэрээһиҥҥэ көмөтүн иһин махтанан, өйдөбүнньүк быһыытынан үрүҥ көмүс ньуосканы бэлэхтээтэ. Айар кэлэктииби Хаҥаластан сылдьар Алексей Лебедев саллаат хааһытын амсатта. Оттон тыйаатыр, оркестр кэлэктиибэ уолаттары минньигэс алаадьынан күндүлээн, күн эргиирин тула алгыстаах оһуохайга ыҥырда.

Бурятия байыаннай чааһыгар саха оһуохайа бөҕө куту-сүрү, дойдубут туһугар биир санааланыы сырдык тыынын иҥэрдэ!

Альбина Тарабукина.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
29 марта
  • -14°C
  • Ощущается: -21°Влажность: 40% Скорость ветра: 4 м/с

Сообщить об опечатке

Текст, который будет отправлен нашим редакторам: