Сибиинньэ оҕолоро уонна кууруссалар сөмөлүөтүнэн көттүлэр

«Полярные авиалинии» авиахампаанньа сөмөлүөттэрэ ураты пассажирдардаах рейскэ көттүлэр. Ол курдук, Орто Халымаҕа уонна Белай Гораҕа сибиинньэ оҕолоро уонна кууруссалар Ан-26 сөмөлүөтүнэн көтөн тиийдилэр. Ол туһунан авиахампаанньа пресс-сулууспата иһитиннэрэр. 

Сөмөлүөт үлэһиттэрэ этэллэринэн, сибинньэлэр уонна кууруссалар ыраах айаны этэҥҥэ аһарбыттар.

Авиахампаанньаҕа бу рейстэри оҥороругар сайаапкалар Орто Халыма уонна Абый улуустарын тыа хаһаайыстыбатыгар управлениеларыттан киирбиттэр. Сибиинньэ оҕолоро кууруссалар хаһаайыстыбаларга ылыллыбыттар. Салгыы кинилэри ыраах сытар нэһилиэнньэлээх пууннарга массыынанан тиэрдиэхтэрэ.