Ситэриилээх былаас отчуота Өймөкөөҥҥө саҕаланна (видео)

Бүгүн, олунньу 24 күнүгэр, Өймөкөөн улууһун олохтоохторо ситэриилээх былаас бэрэстэбиитэллэрин кытта көрсөөрү бэлэмнэнэллэр.

Бырабыыталыстыба отчуотун оробуочай дэлэгээссийэтэ сарсыардаттан икки бөлөххө арахсан, Өймөкөөн уонна Сордоҥноох нэһилиэктэригэр айаннаатылар.

СӨ тырааныспар миниистирэ Владимир Сивцев Сордоҥноох туһаайыытын тутуста. Биллэрин курдук, Куйдуһун муостата алдьанан, олохтоохтор былырыыҥҥыттан суолга-иискэ улахан эрэйи көрбүттэрин өрөспүүбүлүкэ барыта билэр. Миниистир Владимир Сивцев аара Куйдуһун муостатыгар тохтоон, туох үлэ ыытыллан эрэрин билистэ.

Бүгүн Сордоҥнооххо , Өймөкөөҥҥө отчуоттаан баран, дэлэгээссийэ киэһэ Томтор олохтоохторун кытта көрсүөҕэ.

Хаартыскалар, видео ааптар түһэриитэ, устуута.