МК сайтыттан
Бу өрөбүллэргэ Словакияҕа бэрэсидьиэн быыбарын иккис түһүмэҕэ буолан ааста. Бэрэсидьиэнинэн Петер Пеллегрини диэн Киев эрэсиимигэр Европа көмөтүн тохтоторун туруорсар бэлиитик талылынна.
Бэрэсидьиэн быыбарын бастакы түһүмэҕэр тоҕус кандидаттан куоластааччылар 50 бырыһыаннарын ким да ылбатаҕа, ол иһин быыбар иккис түһүмэҕэ ыытыллар буолбута. Манна элбэх куолаһы хомуйбут өрөспүүбүлүкэ тас дьыалаларыгар урукку миниистирэ Иван Корчок уонна Национальнай Сэбиэт бэрэссэдээтэлэ Петер Пеллегрини киирсибиттэрэ.
Эспиэрдэр бу быыбары Европа уонна Арассыыйа күрэхтэһиилэрэ диэн ааттаабыттара. Санатан эттэххэ, Словакия Өрөспүүбүлүкэтин Конституциятынан бэрэсидьиэн сүрүннээн бэрэстэбиитэл курдук сылдьар, сүрүн үлэни премьер-миниистир толорор. Ол эрээри бэрэсидьиэн тахсар сокуоннарга вето түһэрэр, норуоттар икки ардыларынааҕы дуогабардары бигэргэтэр (ратификация), судьуйалары аныыр бырааптаах. Былырыын балаҕан ыйыгар Словакияҕа парламент быыбара буолан ааспыта. Быыбар түмүгүнэн Киев эрэсиимин утарар, байыаннай көмөнү ыытары тохтоторго туруорсар бэлиитик Роберт Фицо премьер-миниистиринэн талыллыбыта.
Петер Пеллегрини Роберт Фицо курдук Европа дойдулара Арассыыйаҕа киллэрбит араас хааччахтара туох да туһаны аҕалбаттарын, төттөрүтүн бэйэлэригэр хоромньуну аҕалалларын этэр. Европа сойууһа Киев эрэсиимигэр байыаннай көмөнү тохтотуон наадатын туруорсар уонна Украина НАТО-ҕа киирэрэ сатамматын этэр.
Словакия Өрөспүүбүлүкэтэ – Киин Европа судаарыстыбата, 90-с сыллардаахха Чехияттан арахсан, автономиятын ылынан туспа судаарыстыба буолбута. Европа сойууһун, НАТО чилиэннэрэ. Чехияны, Австрияны, Польшаны, Венгрияны, Украинаны кытары кыраныыссалаһан олорор. Нэһилиэнньэтин ахсаана биэс аҥаар мөлүйүөнтэн тахса. 2022 сылтан Арассыыйаҕа, Европа атын дойдуларын курдук, эмиэ хааччаҕы киллэрэн, бииргэ үлэлэһэрин тохтоппута. Ол эрээри быйыл тохсунньуттан өрөспүүбүлүкэ култууратын министиэристибэтэ Арассыыйаны уонна Белоруссияны кытары үлэтин сөргүтүөҕүн туһунан иһитиннэрбитэ.
Сайыҥҥы уһун сынньалаҥнар кэннэ үлэ, үөрэх дьыла саҕаланыыта дьиэ кэргэн бүддьүөтүгэр улахан хамсааһын тахсар. Маныаха…
Өлүөхүмэ улууһугар 44 саастаах эр киһи матасыыкылынан айаннаан иһэн сылгыны кытта харсыспыт. Ол түмүгэр суоппар…
Бүгүн Доҕордоһуу болуоссатыгар куорат 393 сылыгар аналлаах Оһуокай үрдүк таһымнаахтык ыытылынна. [gallery ids="241612,241622,241621,241620,241619,241618,241617,241616,241615,241614,241613,241610,241611"] Оруобуна 1…
Дьокуускай куорат күнүн көрсө мээр Евгений Григорьев суруналыыстары мунньан пресс-конференция ыытта. Тэрээһин быйыл күһүн үлэҕэ…
Ханнык баҕарар норуокка инники сайдыыны быһаарар күүһүнэн дойдуларын туһугар күүскэ, бэриниилээхтик үлэлии сылдьар, сайдыы суолун…
Үөрэх үгүс кыһаларыгар оҕолор икки ардыларыгар араас сыһыан баар буолар. Доҕордоһуу, кэпсэтии, тэрээһиннэргэ кыттыы, ону…