Сочига  Арассыыйатааҕы бэстибээлгэ биир дойдулаахтарбыт кытталлар

Сочига  доруобуйаларынан хааччахтаах дьон Арассыыйатааҕы бэстибээлэ салҕанар.

Бэҕэһээ, Саха сирин хамаандата, биир үрүҥ көмүс мэтээллэннэ. Ол курдук, олорон эрэн остуол тенниһигэр былырыыҥҥы чөмпүйүөн Валентин Борисов бу сырыыга иккис миэстэ буолла. Кини Калмыкияттан сылдьар Арассыыйа чемпионатын кыттыылааҕар Аранзал Болдыревка аҕыйах очконон баһыйтаран, үрүҥ көмүс мэтээлгэ тигистэ.

Түргэн саахымакка Егор Федоров биэстэ оонньоон 4 очколаах. Бүгүн кини икки бүтэһик киирсиитэ буолуо. Онон, Саха сирин хамаандата билиҥҥитэ биир кыһыл,  биир үрүҥ көмүс мэтээллээх.

Альбина Тарабукина