Сочиттан көтөн иһэр рейс тумантан сылтаан Нерюнгрига утаарыллыбыт

Хойуу тумантан сылтаан «Якутия» авиахампаанньа Сочиттан Дьокуускайга көтөн испит сөмөлүөтэ Нерюнгри аэропордугар олорбут. Бүгүн сарсыарда Дьокуускайга 9 чааска туман быыһынан 200-370 миэтирэ эрэ ыраах көстөр эбит.

Ол эрэн, метеосводка уустугун үрдүнэн сорох рейстэр кэмигэр толоруллубуттар. Ол курдук, S7, «Якутия» авиахампаанньалар Новосибирскайтан, Иркутскайтан, Москваттан кэлбит рейстэрэ Дьокуускай аэропордугар түспүттэр.

Ону кытта Дьокуускайтан бүгүн Орто Халымаҕа, Зарянкаҕа, Баатаҕайга сөмөлүөттэр көппүттэр.