Саха Өрөспүүбүлүкэтин Офтальмологическай балыыһатын кылаабынай бырааһа Иван Луцкан Ил Дархан Ил Түмэн дьокутааттарыгар туһаайбыт Анал этиитигэр анал байыаннай эпэрээссийэҕэ кытта сылдьар буойуттарбыт дьиэ кэргэттэригэр социальнай кэлим өйөбүл туһунан бэлиэтээн этиитин өйүүрүн биллэрэн туран, бу туһунан санаатын үллэһиннэ:
— Ил Дархан Айсен Сергеевич Николаев Ил Түмэн дьокутааттарыгар туһаайбыт Анал этиитигэр анал байыаннай эпэрээссийэҕэ кытта сылдьар буойуттарбыт дьиэ кэргэттэригэр социальнай кэлим өйөбүл туһунан бэлиэтээн этиитэ улахан суолталаах. Бары билэ-көрө, истэ уонна кыттыһа сылдьарбыт быһыытынан, өрөспүүбүлүкэбитигэр бу хайысхаҕа араас өрүттээх социальнай өйөбүл үлэлэрэ олоххо киирэ тураллар. Бу билигин Саҥа дьыл чугаһаан, «Амарах санаа харыйата» аахсыйаҕа кыттан, ким баҕарар саллаат дьиэ кэргэнигэр эбэтэр оҕотугар ис сүрэҕиттэн көмөлөһүөн, бэйэтин бэлэҕин туттарыан сөп.
Соторутааҕыта дойду Бэрэсидьиэнэ Владимир Владимирович Путин мобилизованнай саллааттарга уонна кинилэр дьиэ кэргэттэригэр көмөлөөх Саха сиригэр атын ханнык да эрэгийиэҥҥэ суох социальнай өйөбүл кэккэ дьаһалларын ылынан үлэлииллэр диэн бэлиэтээн эттэ. Саха сириттэн анал байыаннай эпэрээссийэҕэ кытта сылдьар дьоммутугар уонна кинилэр дьиэ кэргэттэригэр өрөспүүбүлүкэ көмөлөһөр уопута Арассыыйа атын эрэгийиэннэригэр холобур буолуута — Ил Дархаммыт хамаандата уонна өрөспүүбүлүкэ олохтоохторун биир сомоҕо үлэлэрин түмүгэ буолар. Бэрэсидьиэн биһиги өрөспүүбүлүкэбит бу уопутун атын эрэгийиэннэргэ тарҕатар наадалааҕын туһунан чопчулаан этиитэ — улахан сыанабыл. Биһиги бу өйөбүллэри олоххо киллэриигэ бары биир киһи курдук, бииргэ түмсүүлээхтик үлэлии сылдьабыт, инникитин да үлэлиэхпит уонна өйүөхпүт.
Бу күннэргэ Нам улууһугар оҕуруот аһын уонна хортуоппуй үүннэриитинэн дьарыктанар бааһынай хаһаайыстыбалар субсидия (көмө харчы)…
Оҕону иитэ ылар ыалга (эппэкииннэргэ, попечителлэргэ) биирдэ бэриллэр төлөбүр төлөнөр. Кинилэр РФ гражданнара буолуохтаахтар уонна…
Бу күннэргэ дойду тэбэр сүрэҕэр, Москва куоракка, «Хоту сир баайа. Арассыыйа маастардара уонна худуоһунньуктара» быыстапка-дьаарбаҥка…
Муус устар 30 күнүгэр уонна ыам ыйын 1 күнүгэр Күҥҥэ күүстээх эстиилэр буоллулар. Онон ыам…
Ойуур баһаардара дьон олоҕор, кыылга-сүөлгэ уонна үүнээйилэргэ улахан кутталы үөскэтэллэр. Ойуур хаһаайыстыбатын сулууспатыгар эрийэн тиийэр…
Ыам ыйа - Айыыһыт түһэр кэмэ. Саха айылҕаҕа сүгүрүйэн, араас туому толорор. Сайын саҕаланар. Иэйиэхсит…