Сунтаарга байыаннай сулууспалаахтар дьиэ кэргэттэригэр көмөлөһөллөр
15.11.2022, 18:15
Бөлөххө киир:
Сунтаарга байыаннай сулууспалаахтар дьиэ кэргэттэригэр аһынан-үөлүнэн көмөлөһөллөр.
Сунтаар нэһилиэгэр аһы-үөлү оҥорон таһаарааччылар байыаннай сулууспалаахтар дьиэ кэргэттэригэр көмөлөһөн, 250 киилэттэн тахса ынах этин, 1 тн хортуоппуйу, 40 кг ынах арыытын биэрбиттэр.
«Сунтаар нэһилиэгэр тыа хаһаайыстыбатын үлэһиттэрин көмөлөрүнэн, анал байыаннай эпэрээссийэ кыттыылаахтарын дьонноругар, уопсайа 30-тан тахса ыалга, аһынан-үөлүнэн көмө оҥоһулунна. Маннык кэмҥэ байыаннай сулууспалаахтар дьиэ кэргэттэригэр көмө, тирэх буолар наада. Быстах байыаннай эпэрээссийэҕэ кыттар дьон уонна бэйэлэрин баҕаларынан сулуспалааччылар дьиэ кэргэттэрин өйүүргэ Сунтаар нэһилиэгэр элбэх хайысхалаах үлэ ыытыллар. Ол курдук, хаһаайыстыбаҕа, дьиэ тас үлэтигэр, юридическай боппуруоска, о.д.а. көмө оҥоһуллар«, — диэн этэр Сунтаар нэһилиэгин баһылыга Эдуард Филиппов. Быстах хомуурга ыйытыылаах буоллаххытына, 122 нүөмэргэ эрийэн билсиҥ.
Сунтаар нэһилиэгин дьаһалтатын хаартыскалара
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: