Суол саахала

Тохсунньу 7  күнүгэр РФ ЫБМ Саха сиринээҕи управлениетыгар Маҕарастан биэс км сиргэ, «Бүлүү» айан суолун 105  км суолга саахал тахсыбытын туһунан иһитиннэрии киирбит.

«Тойота Виш» уонна «Тойота Хайс» массыыналар харсыһаннар, биир киһи суорума суолламмыт, сэттэ киһи эмсэҕэлээбит. Эчэйиини ылбыт дьону Бэрдьигэстээххэ оройуоннааҕы киин балыыһаҕа киллэрбиттэр. Суолга тахсыбыт саахалынан бэрэбиэркэ ыытыллар, иһитиннэрии чуолкайданар.