Суоппар дьахтар икки аҕам саастаах дьону эмсэҕэлэттэ

Кулун тутар 29 күнүгэр Муома улууһун Хонуу нэһилиэгин Советскай уулусса 35 №-дээх дьиэтин таһыгар суол быһылаана таҕыста.

«Toyota Vitz» массыыналаах суоппар дьахтар кэннинэн ыытаары, икки аҕам саастаах дьону эмсэҕэлэттэ: 1946 с.т. дьахтары уонна 1945 с.т. эр киһини.

Саха сиринээҕи ГИБДД пресс-сулууспатыгар иһитиннэрбиттэринэн, араас уҥуох тостуулардаах биэнсийэлээхтэри Дьокуускай куоракка санрейсинэн ыытары былаанныыллар.

Бэрэбиэркэ түмүгүнэн, суоппар дьахтар В, В1 уонна М категориялаах дастабырыанньалаах, массыына ыытар ыстааһа кыратын быһаардылар. Ааспыт сылга административнай буруй иһин эппиэтинэскэ тардыллыбыт. Суол быһылаанын кэмигэр суоппар арыгы испэтэҕэ чуолкайданна.

Бу чахчынан салгыы бэрэбиэркэ ыытыллар.