Саха сирин пионерскай тэрилтэтэ тэриллибитэ 100 сылынан Суоттуга Хоноҕордооҕу «Түһүлгэ» СК киэҥ ис хоһоонноох тэрээһин ыытылынна.
Суоттубут сиригэр олорор, үлэлиир 7 улуустан төрүттээх, араас сылларга пионер кыһыл хаалтыһын бааммыт көлүөнэ дьоммут пионерскай сборга көхтөөхтүк кытыннылар. Пионерскай атрибуттар, кинигэлэр, альбом — рапордар быыстапкаларын Хоноҕор С.С.Васильев-Борогонскай аатынан сүрүн оскуолатын үөрэнээччилэрэ, Уус Алданнааҕы техникум устудьуоннара сонурҕаан көрдүлэр.
Нэһилиэк бибилэтиэкэрдэрэ И.А.Осипова Уус Алдан пионериятын историятын, Р.Н.Черкашина Дьоруой пионердар хорсун быһыыларын кэпсээбиттэрэ болҕомтону тарта. Социальнай үлэһит Т.И.Тарасова урут айылҕаҕа сынньалаҥ туһунан кэпсээтэ, хаһыат суулаах өйүө (бэйэ буһарбыт күөх лууктаах килиэбэ), ол саҕанааҕы бичиэнньэ, кэмпиэт аҕалан күндүлээбитэ оҕо саас түгэнин санатан долгуттулар, үөртүлэр.
Барабаан тыаһынан арыаллаан пионер знамятын Черкашина С.Д., Стрекаловская В.З., Иванова Е.И. киллэрдилэр. Пионерскай речевка, ырыа доҕуһуолланан этэрээттэр киирдилэр. Этэрээттэр рапордарын Суотту орто оскуолатыгар пионер баһаатайынан үлэлээн ааспыт бэтэрээн учууталга Свинобоева Е.И. туттардылар. Пионерскай кутаа уот макетын күлүмэ, ахтыылар, ырыа-тойук доҕуһуоллара — оҕо саас эриэккэс, умнуллубат түгэннэрин санаттылар. Оскуола, техникум үөрэнээччилэрэ сэбиэскэй кэмнээҕи пионерия историятын кытта алтыстылар. «Сарыада» (сал.М.И.Никитина), «Ситим» (сал.Н.П Алексеева) бөлөхтөр эҕэрдэ үҥкүүлэрэ тэрээһини киэргэттэ. Үбүлүөйдээх пионерскай сборга бэлиэ сурук туттарыллыбыта сүргэни көтөхтө, инникитин даҕаны кэлэр кэм сбордарыгар көрсөргө эрэл кыымын сахта.
Үбүлүөйдээх тэрээһин хамыыһыйатыгар, «Түһүлгэ» СК кэлэктиибигэр, нэһилиэкпит бэтэрээннэрин сэбиэтигэр, бары тэрийсибит дьоммутугар махталбытын биллэрэбит.
Екатерина Гоголева,
Суотту, Уус Алдан.
Хаартыскаларга Ирина Осипова, Матрена Никитина түһэриилэрэ.
Сунтаар улууһун Дьаархан нэһилиэгэр биир үөрүүлээх сонун, киэн туттуу түгэнэ - Улуу Кыайыы 79 сылын…
Ыам ыйын 9 күнэ үүнэр түүн Ленскэй куорат кылабыыһатыгар ытыалаһыы тахсыбытын туһунан иһитиннэрии социальнай ситимнэргэ …
Саха Өрөспүүбүлүкэтин үтүөлээх учуутала, Үлэ Албан Аата уордьан III истиэпэннээх кавалера, А.А. Иванов – Күндэ …
Бэрэсидьиэн Владимир Путин Судаарыстыбаннай Дуумаҕа Арассыыйа Бырабыыталыстыбатын бэрэссэдээтэлин дуоһунаһыгар Михаил Мишустин кандидатуратын киллэрбитин туһунан, Судаарыстыбаннай…
Ыам ыйын 6 күнүгэр Ил Дархан Айсен Николаев Кыайыы 79 сылын көрсө, Саха сиригэр олорор,…
СӨ Тырааныспарын уонна суол хаһаайыстыбатын министиэристибэтэ иһитиннэрбитинэн, 2024 сыллааҕы навигацияҕа социальнай суолталаах хайысхаларынан субсидиялаах тарыыптар…