Сыал ытар сирдээх успуорт саалата баар буолла

Саҥа дьыл бырааһынньыгын иннинэ, ахсынньы 29 күнүгэр, умнуллубат бэлиэ түгэн буолан ааста.

Ол курдук, СӨ ИДьМ профессиональнай бэлэмнээһин киинигэр сыал ытар сирдээх успуорт саалатын астылар. Үөрүүлээх бэлиэ түгэҥҥэ СӨ Ил Дархана Айсен Николаев кыттыыны ылбыт. Үлэ судургута суох усулуобуйаҕа ыытыллыбытын, тутуу кылгас кэм иһигэр түмүктэнэн үлэҕэ киирбитин бэлиэтээбит.

СӨ ИДьМ миниистирэ, полиция генерал-лейтенана Владимир Прокопенко Айсен Сергеевичка болҕомтотун, өйөбүлүн иһин махтаммыт итиэннэ бу үлэҕэ тирэх буоларын ыйбыт.

Успуорт саалатын бастакы мэндиэмэнигэр сыал ытар сир, быраас хоһо, таҥас уларыттар хос, уо.д.а. баар. Иккискэ — успуорт саалата уонна дьарыктанар саала киирбиттэр. Хостор компьютерынан, миэбэлинэн, спортивнай малынан-салынан хааччыллыбыттар.

СӨ Ил Дарханын уонна Бырабыыталыстыбатын пресс-сулууспата

Хаартыскаҕа Андрей Сорокин түһэриитэ, СИА