Сымыйа докумуоннары туттаран сууттанна

Суут бириистэптэрин Дьокуускай куораттааҕы отделениета  300-тэн тахса тыһыынча суумаҕа оҥоһуллубут хоромньуну ирдиир туһунан быһаарыыны таһаарда.

Дьокуускай куоракка олорор  дьахтар  олус улахан кээмэйдээх  суумаҕа түөкүннээһиҥҥэ буруйдааҕынан билинилиннэ. Суут быһаарбытынан, дьахтар Дьиэ кэргэн хапытаалын харчытын  уоран туһанар туһуттан  сымыйа сибидиэнньэлэри  биэнсийэ пуондатын хамыыһыйатыгар киллэрбит.

Суут бириистэптэрин үлэлэрин түмүгэр дьаһаллар ылылыннылар: иэстээх дьахтар счетун сабар, РФ таһыгар тахсыытын быстах кэмҥэ хааччахтыыр, хамсаабат баайыгар-дуолугар регистрацияны бобор туһунан уураах ылылынна.

Ол түмүгэр хоромньу бүтүннүү толуйулунна.

УФССП пресс-сулууспата