Мэдиссиинэ национальнай киинигэр “Сүрэх-тымыр ыарыыларыгар сардаҥа диагностикатын уонна хирургиянан эмтээһин дьоһун суолталаах боппуруостара” научнай-бырактыычаскай кэмпириэнсийэ буолла.
Мэдиссиинэ национальнай киинин 30 сыллаах үбүлүөйүн көрсө ыытыллыбыт тэрээһин кыттыылаахтарын Киин генеральнай дириэктэрэ Станислав Николаевич Жирков эҕэрдэлээтэ. Кини кардиология уонна кардиохирургия сулууспатыгар дьоһун суолталаах боппуруостарга тохтоото.
Байыаннай-мэдиссиинискэй академияттан ыҥырыллан кэлбит, рентгенология уонна радиология кафедратын доцена Сергей Дмитриевич Рудь миокардиты уонна сүрэх ишемическэй ыарыытын быһаарарга сүрэххэ МРТ туһаныыга дириҥ ис хоһоонноох лиэксийэни оҥордо.
Мэдиссиинэ национальнай киинин исписэлиистэрэ сүрэҕи МРТ көмөтүнэн чинчийии уустук ньыматын киэҥник туһанар санаалаахтар.
Сүрэх-тымыр киинигэр сүрэх тымырдарыгар 5-10 кыра инвазивнай үрдүк технологиялаах эпэрээссийэлэр күн аайы оҥоһуллаллар.
Кэмпэриэнсийэҕэ барыта 60-тан тахса быраас кытынна. Кинилэр элбэх саҥаны уонна интэриэһинэйи биллилэр. Кэмпириэнсийэ кыттыылаахтара научнай-бырактыычаскай кэмпириэнсийэлэр сытыы боппуруостары маннык киэҥ дьүүллэһиилээх уонна мультидисциплинарнай көрүҥүнэн өссө да ыытылла туралларыгар баҕардылар.
Бүгүн, ыам ыйын 6 күнүгэр, 11:10 чааска ЫБММ Саха сиринээҕи салаатын Кылаабынай управлениетыгар Дьокуускай куоракка…
Ааспыт нэдиэлэ бүтүүтэ ыаллыы сытар Таатта уонна Чурапчы улуустарын көхтөөх дьоно-сэргэтэ көрсөн күрэхтэстилэр. Бастаан Таатта…
Саха сирин тыатыгар Биологическай ресурсалар уонна ООПТ дириэксийэтин орнитолога Руслан Кириллин боруллуону (беркут) көрбүтүн туһунан…
Ыам ыйын 1 күнэ үүммүт сарсыардатыгар эрдэ Дьокуускай куорат ДПС иниспиэктэрдэрэ полиция лейтенана Арнольд Григорьев…
Саха сиригэр сааскы халаан эрдэ сабаҕалааһын быһыытынан саҕаланна. Ленскэй, Өлүөхүмэ, Амма уонна Алдан оройуоннарыгар үс…
Саха сиригэр сааскы булт кэмэ муус устар 25 күнүттэн саҕаламмыта. Ити күнтэн, иитиэх кустары мончуук…