СИА хаартыската
Байыаннай эпэрээссийэ кыттыылаахтарыгар уонна кинилэр дьиэ кэргэттэригэр социальнай өйөбүл салгыы бара турар. Чурапчы улууһун нэһилиэнньэтин социальнай өттүнэн көмүскэллээх уонна үлэлээх буолуутугар управлениета бу хайысхаҕа кэккэ дьаһаллары олоххо киллэриигэ үлэлии олорорун туһунан управление отделын кылаабынай исписэлииһэ Татьяна Бушкова кэпсиир.
— Чурапчы улууһугар байыаннай эпэрээссийэ кыттыылаахтарыгар уонна кинилэр дьиэ кэргэттэригэр өйөбүл үлэтэ салҕанан барар турар. Буойуттарбыт дьиэ кэргэттэрин чилиэннэригэр дастабырыанньа оҥоһуллан туттарыллыбыта. Бу дастабырыанньанан «Байыаннай дьайыы кыттыылааҕын дьиэ кэргэнин чилиэнэ» статустаахтар. Ол быһыытынан кинилэргэ кэккэ чэпчэтиилэр, үбүнэн өйөбүл көрүллэн үлэлииллэр. Байыаннай сулууспалаахтарга көмөлөһөр «Кыайыы» пуондатыгар киирэр үбүнэн биир дойдулаах буойуттарбыт олохторун харыстыыр суолталаах араас көмүскүүр тактическай тэриллэр ылыллан ыытыллаллар.
Улуус баһылыгын дьаһалынан көмөнү оҥоруу түөрт бөлөх хайысханан ыытыллар: «Гуманитарнай көмөнү хомуйууну тэрийиигэ»; «Чурапчы улууһун эр дьоннорун уопсастыбаннай түмсүүлэрин кытта үлэҕэ»; «Юрист, психолог көмөлөрүн, сүбэлэри биэриини, матырыйаалынай көмөнү оҥорууну тэрийиигэ»; «Волонтердар көмөлөрүн тэрийиигэ». Бу бөлөхтөр хас биирдиилэрэ ыытар үлэлэрэ туох да баһаам улахан.
Кыайыы туһугар үлэттэн олохтоохторбут ким да туора турбат. “Чурапчы күүһэ — сомоҕолоһууга!” диэн барыбыт уоһун номоҕор сылдьар түмсүүгэ ыҥырар күүстээх этии курдук, Аҕа дойду Улуу сэриитигэр эрэйи-муҥу көрбүт, элбэх саллаата кыргыһыы толоонуттан төннүбэтэх Чурапчы дьоно кыайыы туһугар өйөбүл, көмө оҥорууга түмсүүлэрэ күүстээх, кыттыылара көхтөөх.
Өрөспүүбүлүкэ күнүн бары улуустарга өрө көтөҕүллэн туран, бу күннэргэ араас дириҥ ис хоһоонноох тэрээһиннэри ыыттылар.…
Москваҕа муус устар 27 күнүгэр "Центр духовно-нравственное единение "Будущее" НКО уопсастыбаннай бириэмийэтин туттарыы сиэрэ-туома ыытылынна.…
Бу күннэргэ Томпо улууһун Мэҥэ Алдан нэһилиэгин дэлэгээссийэтэ Чөркөөххө кэлэн кыраайы үөрэтээччи Гаврил Вырдылинтан нэһилиэк…
Саха сирин Ил Дархана элбэх оҕолоох ыаллары социальнай өттүнэн өйүүр эбии миэрэлэр тустарынан ыйаахха илии…
Бэс Күөлүгэр сэргэх тэрээһин буолла. Нэһилиэк баһылыга Айсен Егорович Павлов үөрүүлээх тэрээһиҥҥэ мустубут дьону эҕэрдэлээтэ…
Маннык эмиэ этэллэр эбит. Биһиги дьылҕабыт зодиакпыт бэлиэтиттэн эрэ буолбакка, нэдиэлэ ханнык күнүгэр төрөөбүппүтүттэн эмиэ…