133 киһи теракт сиэртибэтэ буолла

«Крокус Сити Холл» комплекска теракт сиэртибэтэ 133 киһиэхэ тиийбит. Бу туһунан РФ Силиэстийэлиир кэмитиэтэ ТАСС иһитиннэрбит. 

«Крокус Сити Холл» комплекска дьону көрдөөһүн үлэтэ салҕанар. Теракка өлбүт киһи ахсаана 133 киһиэхэ тиийдэ», — диэн иһитиннэриигэ этиллэр.

Санатар буоллахха, терагы оҥорууга уорбаланааччылар Брянскай уобаласка тутуллубуттар. Бу 11 киһи, ол иһигэр Красногорскайга «Крокус Сити Холл» комплекска буолбут теракка кыттыбыт түөрт террорист баара этиллэр.

РФ Бэрэсидьиэнэ Владимир Путин Подмосковьеҕа теракт буолбутунан норуокка туһаайан этии оҥорбута. Судаарыстыба баһылыга кулун тутар 24 күнүн Арассыыйа үрдүнэн Кутурҕан күнүнэн биллэрбитэ.