Томпоҕо мэдиссиинэ үлэһитэ ыарыһахтан харчы уорбута билиннэ

ИДьМ пресс-сулууспата иһитиннэрбитинэн, ИДьМ Томпо улууһунааҕы салаатын дьуһуурунай чааһыгар аҕам саастаах дьахтартан үҥсүү киирбит.

Кини баанын счетуттан харчы уоруллубут. Полиция үлэһиттэрэ суһаллык 37 саастаах сиэстэрэни туппуттар. Онно биллибитинэн, 76 саастаах дьахтар оройуоннааҕы балыыһаҕа эмтэнэ сыппыт. Сиэстэрэ дьахтар түүҥҥү симиэнэтигэр палааталары кэрийэ сылдьан дьахтар туумбатын үрдүгэр төлөпүөн сытарын көрбүт. Ыарыһахтар утуйа сыталларын туһанан, кини биэнсийэлээх дьахтар счетуттан бэйэтигэр 20 тыһ. солк. ыыппыт. Ол кэннэ барытын сотторон кэбиспит.

Ол эрээри, дьыалата эппэтинэстэн куотарыгар көмөлөспөтөх. Арассыыйа Федерациятын холуобунай кодексатын 158 ыст. 3 ч. «Уоруу» диэнинэн холуобунай дьыала тэриллибит.