«Туймаада Куо» кыайыылааҕа — 500 тыһ.солк. суумалаах симэх-киэргэл

Дьокуускайга «Туймаада ыһыаҕар» өр сыллаах тохтобул кэнниттэн «Туймаада Куо» кэрэ куо уонна талаан көрдөрүүтүн куонкуруһа буолуоҕа.

Дьокуускай куорат култуураҕа уонна духуобунай сайдыыга управлениетын начаалынньыга Сардаана Брызгалова иһитиннэрбиттэринэн, сайаапкалары 16-тан 25-гэр диэри саастаах 60 кыыс биэрбит. Кинилэртэн куонкуруска 20 кыттааччыны талыахтара. «Туймаада Куо» финала бэс ыйын 28 күнүгэр түһүлгэҕэ ыччат сыанатыгар киэһэ 21.00 чаастан буолуоҕа.

Кыайыылаах кэрэ куоҕа 500 тыһыынча солкуобайдаах сахалыы национальнай киэргэл сүрүн бириис быһыытынан туттарыахтара.