Хаартыска: yakutskcity.ru
Бэс ыйын 29 күнүгэр «Туймаада ыһыаҕын» кэмигэр Үс Хатыҥҥа «Ыһыах сандалыта» саха национальнай аһын-үөлүн бэстибээлэ ыытыллыаҕа.
Быйыл тэрийээччилэр ыалдьыттарга анаан элбэх интэриэһинэй тэрээһиннэри, куонкурустары, маастар-кылаастары, шеф-повардар билиһиннэрии бырагыраамаларын бэлэмнээтилэр. Дьокуускайдааҕы мэрия иһитиннэрэринэн, бэстибээл алгыс сиэрин-туомун ыытыытыттан саҕаланыаҕа, ол кэннэ ыалдьыттары саха чэй сиэрин-туомун тэрээһинигэр күүтүөхтэрэ.
Гастро-бэстибээл «Сандалы» түһүлгэҕэ атыы-эргиэн былаһааккатыгар ыытыллыаҕа. Ыһыах бастакы күнүгэр, бэс ыйын 29 күнүгэр, бэстибээл ыалдьыттара «Көмүс хатырык» собону ыраастааһын, «Ытыйардаах мааны» күөрчэҕи астыыр, «Остуол туйгуна» ыйыллыбыт бириэмэҕэ сахалыы баахыланы сииргэ күрэхтэһиилэри көрүөхтэрэ.
«Көмүс хатырык» күрэххэ 10 мүнүүтэ устата кыттааччы 3 собону ыраастыҕа. Дьүүллүүр сүбэ балык ыраастаммыт хаачыстыбатын уонна бириэмэтин сыаналыаҕа. Куонкурус түмүгүнэн кылаан кыайыылааҕы уонна «Саамай түргэнник ыраастааһын», «Ураты тиэхиньикэни туһаныы» номинациялар хаһаайыттарын быһаарыахтара. Хас биирдии кыттааччыга собону ыраастыырга иһит, быһах, бэрчээкки бэриллэр.
«Ытыйардаах мааны» күрэххэ 10 мүнүүтэ устата кыттааччылар күөрчэх ытыйыахтара. Дьүүллүүр сүбэ бириэмэтин, амтанын уонна хаачыстыбататын сыаналыаҕа. Кыттааччыларга кытыйа, сүөгэй, отон уонна ытык бэриллэр.
«Остуол туйгуна» күрэххэ кыттааччылар 3 мүнүүтэ иһигэр саха баахылатын төһө кыалларынан элбэҕи сииргэ күөн көрсүөхтэрэ. Куонкурус түмүгэр биир кылаан кыайыылааҕы быһаарыахтара. Кыттааччылары баахыланан уонна уунан хааччыйыахтара.
«Ыһыах сандалыта» бэстибээл сүрүн чаҕылхай тэрээһининэн «Республика» саха аһын ресторан шеф-повара Герман Усов маастар-кылааһа уонна «Атласовтар уһаайбалара» ресторан шеф-поварын Николай Атласов сылгы этин кутаа уокка буһарыыта буолуоҕа. Бэстибээл ыалдьыттарын саха мааныылаах алаадьытынан уонна буотарах миининэн күндүлүөхтэрэ.
Гастро-бэстибээли Дьокуускай куорат уокуруктааҕы дьаһалтатын Урбаан, атыы-эргиэн ырыынага уонна туризмы сайыннарыы департамена, ресторатордар уонна Саха сирин ыалдьытымсах Ассоциацията тэрийэллэр.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…