Tundra анимация устуудьуйата Арассыыйатааҕы куонкуруска кыайда

Москваҕа «Знай наших» диэн Арассыыйатааҕы куонкурус түмүгэ билиннэ. Биэс хайысханан 15 бастыҥ хамаанданы ааттаатылар. Олор истэригэр Саха сиригэр ойуулук оҥорон таһаарар «Tundra» устуудьуйа киирдэ. Бу туһунан «Якутия 24» ханаал иһитиннэрэр.

«Тундралар» «Информационные технологии» хайысхаҕа бастаатылар. Устуудьуйа үлэһиттэрэ кылгас кэм иһигэр саха тылынан тахсар «Тымныы оҕуһа» уонна «Муҥха» диэн ойуулуктары оҥорбуттарынан биллэллэр. Хамаанда билигин «Таҥха» диэн ойуулугу бэлэмниир. Ойуулук сэтинньигэ эбэтэр тохсунньуга көстөрө былааннанар.