Турцияҕа, Индияҕа уонна Таилаҥҥа быһа көтөр рейстэр баар буоллулар

«Аэрофлот» авиахампаанньа Арассыыйа куораттарыттан  аан дойду таһымнаах саҥа рейстэри олохтоото. 

Ол курдук, сэтинньи 25 күнүттэн Турцияҕа, Индияҕа уонна Таилаҥҥа  быһа көтөр туристическай маршруттар аһыллыахтара. Ол курдук, ити күнтэн  Екатеринбургтан Стамбулга, Гоаҕа, Красноярскайтан Бангкокка, Пхукекка, Владивостоктан  Пхукекка, Бангкокка, Новосибирскайтан Пхукекка, Бангкокка   Airbus A330 уонна Boeing 737 сөмөлүөттэр көтүөхтэрэ.  Онон үгүс дьон Москваҕа тиийбэккэ, ити этиллибит куораттартан  айанныыр буолуохтара.

Бу күннэргэ Хабаровскайтан Харбиҥҥа көтөр рейс чөлүгэр түһэрилиннэ. Ол курдук, ити хайысхаҕа көтүүгэ «Аврора» авиахампаанньа өҥөтүн  126 пассажир туһанна.  Билиҥҥи туругунан рейс нэдиэлэҕэ биирдэ оҥоһуллуо, ол курдук, кэлэр рейс сэтинньи 21 күнүгэр былааннаныллыбыт.