Тус бэйэ хаһаайыстыбатын хайдах тэрийэбин?

Күндү ааҕааччыларбыт! “Ыйыт-хоруйдуубут” рубрикаҕа тыа сирин олохтоохторуттан тус бэйэ хаһаайыстыбатын уонна бааһынай-пиэрмэр хаһаайыстыбатын тэрийиигэ сыһыаннаах ыйытыылар куруук киирэллэр. Ыйытыыларга Агро-бырамыысыланнас комплексын ресурсанан хааччыйар киин өҥө оҥорор отделын сүрүн экэнэмииһэ Майя Степановна Гуляева хоруйдаата. Ыйытыылары бэлэмнээһиҥҥэ тустаах киин пресс-сулууспата көмөлөстө.

– Тус бэйэ хаһаайыстыбатын (ЛПХ) хайдах тэриниэх­пин сөбүй?

И.Куприянов.

Агро-бырамыысыланнас комплексын ресурсанан хааччыйар киин өҥө оҥорор отделын сүрүн экэнэмииһэ Майя Гуляева маннык хоруйдаата:

– Тус бэйэ хаһаайыстыбата – бу “Тус бэйэ хаһаайыстыбатын  тэрийиигэ” диэн көҥүллээх сир учаастагар ыытыллар үлэ-хамнас. Онуоха сөптөөх сир учаастагын булуохтааххын. Нолуок тэрилтэтигэр тиийии, ИП-ны эбэтэр хааччахтаммыт эппиэти­нэстээх тэрилтэни толорторуу ирдэммэт. Нэһилиэгиҥ дьаһалтатыгар тиийиэхтээххин. Оччоҕо дьаһалта хаһаайыстыбаннай кинигэҕэ киллэрэр.