Хаартыска: Мария Васильева, СИА
Ыам ыйа- Иэйэхсит ыйа. Ыам ыйын 22 күнүттэн күөх окко үктэннибит. Сайын саҕаланар, мутукча көҕөрөр, кэҕэ этэр, сүөһү мэччийэн аһыыр.
Түгэнинэн туһанан, норуот синоптига Тарас Тарасов-Тускул билгэтин таһаарабыт. Бүгүн «Тэтим» араадьыйаҕа Тускул иһитиннэрбитинэн, бу өрөбүллэргэ, ыам ыйын 25-26 күннэригэр, хортуоппуй сиэмэтин ыһыы үлэтэ саҕаланыахтаах. Түүнүн сылаас күннэр туралларынан, тоҥоруу түһэрэ күүтүллүбэт. Кини этэринэн, ыам ыйын 25-30 күннэригэр Саха сирин бары улуустарынан сылаас күн-дьыл туруоҕа. Бэс ыйыгар Илгэ сайын саҕаланар. Оттон от ыйын 22 күнүттэн атырдьах ыйын 28 күнүгэр диэри Ийэ сайын кэмэ үүнүөҕэ.
Ону таһынан норуот синоптига бу субуотаҕа, ыам ыйын 25 күнүгэр, итини сэргэ бэнидиэнньиккэ, ыам ыйын 27 күнүгэр, магнитнай буурҕалар түһэллэрин сылыктыыр. Онон айылҕа дьайыыларыттан тутулуктанар дьону-сэргэни кэтээн көрүнэллэригэр, суоппардарга уһун унньуктаах сырыылартан туттуналларыгар сүбэлээтэ.
Өрүс уҥуоргу бөлөх улуустарынан бу өрөбүллэргэ салгын температурата +5, +7С, оттон күнүс +19, +21 С кыраадыс буолуоҕа. Кэлэр нэдиэлэ ортотугар салгын температурата +10, +12С уонна +23, +25С тиийэ үрдүөҕэ. Бэнидиэнньиккэ, ыам ыйын 27 күнүгэр, сорох сирдэринэн ардах түһүөн сөп диэн билгэлиир.
Киин бөлөх улуустарыгар өрөбүллэргэ +7, +8 С, күнүс +19, +21 С буолуоҕа. Нэдиэлэ ортотугар +10, +12 С уонна +25, +26 С буолара күүтүллэр. Бу улуустарынан быстах ардах түһүөн сөп.
Бүлүү бөлөх улуустарынан өрөбүллэргэ салгын температурата түүн +10, +12 С уонна күнүс +21, +24 С. Кэлэр нэдиэлэ ортотугар +10, +11 С уонна +23, +29 С кыраадыска тиийэ сылыйыа. Өрөбүлгэ ардах түһүөҕэ.
Саха сирин хотугулуу-арҕаа бөлөх улуустарыгар түүн +10, +11С кыраадыс, күнүс +22, +23С буолар. Аныгыскы нэдиэлэ ортотугар күнүс салгын температура +22, +27 С кыраадыска тиийэр. Маны таһынан бу улуустарынан сөкүүндэҕэ 11-13 м/с диэри түргэннээх күүстээх тыал түһэрэ күүтүллэр.
Тымныы полюһа-Өймөкөөн улууһугар өрөбүл күн түүн +1, +2 С, оттон күнүс +12, +14 С. диэри сылыйыаҕа. Сэрэдэҕэ уонна чэппиэргэ сылаас буоларын эрэннэрэр: күнүс салгын температурата +18, +19 С., түүн +4, +5 С кыраадыска тиийиэҕэ.
Дьааҥы бөлөх улуустарыгар түүн +7, +8С, күнүс +21, +22 С тиийэ сылыйар. Нэдиэлэ ортотугар +9, +10С уонна +24, +27С буолара күүтүллэр. Тарас Тарасов-Тускул этэринэн, бу кэнники кэмҥэ хоту оройуоннарыгар сылаас күннэр турдулар. Маны таһынан бу улуустарга сөкүүндэҕэ11-12 м/с диэри тыал күүһүрүөн сөп.
Халыма-Индигиир бөлөх улуустарынан эмиэ сайын кэмэ кэлэр. Ол курдук, субуотаҕа уонна өрөбүл күн +1, +4 С, күнүс +13, +17 С диэри сылыйыа. Сэрэдэҕэ уонна чэппиэргэ +5, +7 С уонна +21 +22 С буолара күүтүллэр.
Арҕаа Арктика улуустарынан түүн салгын температура -11, -13С кыраадыска, оттон күнүс -5, -7С тиийиэҕэ. Сэрэдэҕэ уонна чэппиэргэ -13, -20 С уонна -2, -7 С тымныы. Өрөбүлгэ уонна бэнидиэнньиккэ тыал сөкүүндэҕэ 13-15 м/с диэри күһүүрэрэ күүтэллэр.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…