Удачнайга оҕолор Азель, Айлин, Аяз уонна Карарач диэн сэдэх ааттаммыттар

Удачнай дьаһалтатыгар саҥа төрөөбүт оҕолор төрөппүттэрэ ханнык сэдэх ааттары талбыттарын туһунан суруйдулар. Ол курдук, Удачнай куоракка 2025 сыл саҕаланыаҕыттан 18 оҕо күн сирин көрбүт — 13 уол уонна 5 кыыс.

Төрөппүттэр, биллэрин курдук, оҕолоругар кэрэ, сэдэх уонна сороҕор дьикти ааттары талаллар. Бу сырыыга кыргыттары маннык ааттаабыттар — Аврора, Алия, Азель, Айлин и Карачач, оттон уолаттары — Глеб, Тимофей, Иван, Аяз, Амир, Тамерлан.

Бу кэмҥэ биир аҕа буолуу түгэнэ бэлиэтэммит. Алта ыал олохторун холбообуттар, оттон 14 ыал арахсыспыттар.

«Санатан эттэххэ, бу сылтан арахсыыга судаарыстыбаннай регистрациялааһын түһээнэ (пошлината) үрдээн, туоһу суругу биэриини киллэрэн туран, 5000 солкуобай буолар. Оттон ыал буолууга түһээн урукку кээмэйинэн хаалла – 350 солк.», — диэн Удачнай дьаһалтатыгар кэпсээтилэр.

Ону тэҥэ былырыын тохсунньу 1 күнүттэн эдэр кэргэнниилэр 25 саастарыгар диэри олохторун холбообут ыалларга 50-нуу тыһ.солк. төлүөхтэрин сөп.