Салгыы
Уһуйааннар тэрээһиннэрэ болҕомтону тардар

Уһуйааннар тэрээһиннэрэ болҕомтону тардар

Ааптар:
09.04.2024, 10:30
Бөлөххө киир:

Горнайга Атамайдааҕы «Радуга» уһуйааҥҥа «Севернай» КМТ иһинэн киирэр уһуйааннар иитиллээччилэрин икки ардыларыгар улуустааҕы «Звезда Победы» күрэс ыытылынна.

«Звезда Победы» бырайыак 2023 сыллаахха Ил Дархан гранын кыайыылааҕынан буолбута. Бу чэрчитинэн үөрэх сылын устата элбэх тэрээһиннэр ыытыллаллар. Улуус, өрөспүүбүлүкэ таһымнаах патриотическай хоһоону аҕыы куонкуруһа, өрөспүүбүлүкэ таһымнаах «День Героев Отечества» уруһуй курэҕэ, уһуйаан иһинэн «Мин аҕам — мин дьоруойум» уруһуй быыстапката о.д.а. аһаҕас дьарыктар уонна кылгас кэмнээх бырайыактар болҕомтону тардаллар.

Бу буолбут «Звезда Победы» хоһоон ааҕыытын куонкуруһугар 4 нэһилиэктэн 13 кыттааччы күөн көрүстэ. Дьүүллүүр сүбэҕэ «Радуга» уһуйаан сэбиэдиссэйэ, бырайыак ааптара Федорова Д.С., «Ситим» НКО бэрэссэдээтэлэ, Тимченко пуондатын, Ил Дархан, Дойду бэрэсидьиэнин граннарын кыайыылааҕа, оскуола мэтэдииһэ Павлова Т.А., бэтэрээн үлэһиппит, «Үлэ күүһэ», «Саха Сирэ» хаһыаттар уопсастыбаннай кэрэспэдьиэннэрэ Яковлева В.Н., улуустааҕы бибилэтиэкэ ситимин 5 нүөмэрдээх филиалын кылаабынай бибилэтиэкэрэ Никифорова С.А. үлэлээтилэр.

Түмүккэ «Самое искреннее исполнение» номинация Сидорова Айыына буолла. Сал. Жиркова О.Е., «Айылгы» уһуйаан, Октябрьскай нэһилиэгэ. «Лирическое исполнение»- Иванова Эйнара, сал. Федорова Е.Е. «Айылгы» уһуйаан, Октябрьскай нэһилиэгэ.
«Самое проникновенное исполнение» — Иванова Мия, сал. Федорова Е.Е. «Айылгы» уһуйаан, Октябрьскай нэһилиэгэ.

1 ист. дипломант аатын Петрова Милана ылла. Сал. Максимов А.В. «Радуга» уһуйаан, Атамай. 2 ист. дипломант — Данилов Айхал, сал. Данилова Э.Л. «Радуга» уһуйаан, Атамай. 3 ист. дипломант — Кирова Кира, сал. Данилова Э.Л. «Радуга» уһуйаан, Атамай.

1 ист. лауреат аатын Павлова Василина,  Дьяконов Егор ыллылар. Сал. Дьячковская М.А., Капитонова Н.С. «Одуванчик» уһуйаан, Кировскай нэһилиэгэ. 2 ист. лауреатынан Захаров Максим буолла, сал. Иванова Р.К. «Радуга» уһуйаан, Атамай. 2 ист. лауреат —  Павлова Мичийэ, сал. Корнилова Р.Н. «Кустук» уһуйаан, Орто Сурт. 3 ист. лауреат аатын Аввакумова Сайаана ылла. Сал. Аввакумова Ю.Г. «Радуга» уһуйаан, Атамай. Өссө биир 3 ист. лауреатынан Захарова Алена ааттанна, сал. Тимофеева Л.В. «Айылгы» уһуйаан, Октябрьскай. Итинник 3 ист. лауреат — Текеянов Леонтий, сал. Бускарова М.Н. «Кустук» уһуйаан, Орто Сурт.

«Кустук» уһуйаан сэбиэдиссэйэ Черепанова Н.С. Аввакумова Сайаанаҕа «Чаҕылхай сулус» анал номинация, бэлэх туттарда.
Тэрээһини «Чуораанчык» бөлөх оҕолоро ырыаларынан, хоһооннорунан киэргэттилэр, стройдаан хааман көрдөрдүлэр (сал. Аввакумова Ю.Г., Данилова Э.Л.), «Уолан» трио М.Пермякова тыл. уонна мел. «Саллаат» диэн ырыаларын бэлэхтээтилэр (сал.Иванова Р.К.). Тэрээһин болҕомтону тарта. Түгэнинэн туһанан махталбытын тиэрдэбит төрөппүккэ, Атамайдааҕы сынньалаҥ киинин уус-уран салайааччытыгар Аввакумов А.А.

«Звезда Победы» бырайыак чэрчитинэн 5 нэһилиэк уһуйааннарын иитээччилэрэ мустаммыт хоһоон ааҕыытыгар куонкуруһу сэргэ, күммүт иккис чааһыгар төгүрүк остуолга «Севернай» КМО балаһыанньатын ылынныбыт. Инники үлэбит 3 сыллаах былаанын торумнаатыбыт. Иитээччилэр КМО үлэтиттэн тугу күүтэллэрин, туохха баҕаралларын ирэ-хоро ыйыталастылар, ырытыстылар. Бырайыак суруйуута, граннарга кыттыы, уһуйааннар бэйэ икки ардыларыгар мэтэдиичэскэй көмөлөрө, сүбэ-ама ылыыта, цифровой компетенция уо.д.а. боппуруостарга бэртээхэй санаа үллэстиитэ буолла.
Түмүгэр, биэс хайысханан үллэстэн, 3 сыллаах былаан ылынан, балаҕан ыйыттан үлэлииргэ диэн боротокуолга киллэрдибит.
Күнү түмүктүү, иитээччилэргэ анаан «Педагогическай ринг» патриотическай иитиигэ сыһыаннаах викторина ыытылынна. Викторина 4 түһүмэҕэр иитээччилэр сатабылларын тургутан көрдүлэр, хоһоон суруйан холоннулар, нэдиэлэтээҕи адвент-халандаар оҥордулар.

Куонкурус, төгүрүк остуол кыттыылаахтарыгар сэртипикээттэр, грамоталар, өйдөбүнньүк плакеткалар, үөрэх управлениетын аатыттан үөрүйэҕи тарҕатыы иһин сэртипикээттэри туттулар. Сэбиэдиссэй Федорова Д.С. «Радуга» уһуйаан иитээччитигэр Иванова Р.К. үөрэх управлениетын аатыттан Бочуотунай грамотаны, музыкальнай салайааччыга Аввакумова Ю.Г . махтал суругу үөрүүлээх быһыыга- майгыга туттарда. Ыалдьыттарбыт барҕа махтал тылларын этэн туран, уһуйааммытыгар бэлэхтэрин туттардылар.
Тэрээһини ыытыыга күүс-көмө буолбут уһуйаан иитээччилэригэр Иванова Р.К., Аввакумова Ю.Г., Яковлева Т.Н., Максимов А.В., Егорова Ф.И., Кирова В.Р. махтанабыт. Ыалдьыттарбытын минньигэс аһынан күндүлээбит асчыттарбытыгар Стручкова Л.А., Саввина Е.Д., завхоз Иванов Д.Н., раздаточнайга үлэлээбит Заровняева В.С. Винокурова Н.Д., Иванова Р.И., оҕолору аралдьыппыт, көрбүт иитээччи көмөлөһөөччүлэригэр Иванова С.И., Винокурова М.Н., Яковлева В.В. махталбытын тиэрдэбит. Куруутун бары бииргэ, түмсүүлээх буолуохха диэн ыҥырабыт.

Диана Федорова, Раиса Иванова — Арылыйа.

Хаартыскаларга Ю.Аввакумова түһэриилэрэ.

+1
7
+1
0
+1
0
+1
0
+1
0
+1
0
+1
0
Бары сонуннар
Салгыы
26 мая
  • 19°C
  • Ощущается: 18°Влажность: 26% Скорость ветра: 2 м/с

Сообщить об опечатке

Текст, который будет отправлен нашим редакторам: