Улуу нуучча тыла — интэриэһинэй чахчылар

Нуучча тыла диэн илин славян тылларын бөлөҕүгэр киирэр. Сир үрдүгэр олус тарҕаммыт тыллартан биирдэстэрэ. Ол да иһин Арассыыйа култуурата былыр-былыргыттан аатырар биллиилээх дьонун кытта быстыспат сибээстээх. Холобур, Нуучча тылын күнэ, бэс ыйын 6 күнүгэр, (уһулуччулаах классик Александр Сергеевич Пушкин төрөөбүт күнүгэр) бэлиэтэнэр. 

Бүгүн Нуучча тылын күнүгэр интэриэһинэй чахчылары хомуйан таһаарабыт.

• — «А» буукубуттан саҕаланар нуучча тылыгар киирии тыллар кэриэтэ буолаллар. Төрүт нуучча тылыгар «а» буукубаттан саҕаланар тылларынан «азбука» уонна «авось» эрэ буолаллар;
• — Күннээҕи тылларга «уклюжий» уонна «дуг» туттуллар буолар сылдьыбыттара. Ол гынан баран, кэлин ««неуклюжий» уонна «недуг» диэн уларыйбыттара;
• — Нуучча тылыгар «й» буукубаттан саҕаланар 74 тыл баара бэлиэтэнэр. Ол эрээри, үксүгэр олоххо биэс эрэ тыл туһаныллар: йод, йогурт, йогуртница, йога уонна Йошкар-Ола.
• — Былыргы славяннар алпаабытыгар 33 буолбакка, 45 буукуба баара.
• — Аныгы нуучча тылын тылдьытыгар ыйыллыбыт биир саамай уһун тыллартан биирдэстэрэ –тысячадевятьсотвосьмидесятидевятимиллиметровый. Барыта 46 буукубалаах.
• — Оскуола оҕолоро бары алта падежтары үөрэтэллэр. Ол эрээри, дьиҥэр, барыта нуучча тыла 15 падежтаах -звательнай, ждательнай, количественно-отделительнай, счетнай, разделительнай, превратительнай, лишительнай, местнай, одолжительнай;
• — «Хулиган» диэн тыл төрүт нуучча тыла буолбатах. Айдааннаах, мэлдьи этиһэр Хулиган диэн дьиэ кэргэттэрин араспаанньаттан олоҕуран тарҕаммыт;
• — «Одеть» уонна «надеть» туохтуурдары үгүстүк сыыһа тутталлар. Маны сөпкө өйдүүргэ биир этиини толкуйдаабыттар: «Одевают Надежду, а надевают одежду»;
• — «Сөмөлүөт» диэн тылы аан бастаан Игорь Северянин туттубут, оттон «летчик» диэн тылы Велимир Хлебников;
• — Дьикти нуучча тылыгар «ы» буукубаттан саҕаланар тыллар элбэхтэр. Үгүстүк сирдэр, куораттар, өрүстэр ааттарыгар туһаныллар: Ыал-Усуга, Ыб, Ыллымах.-