Бүгүн өрөспүүбүлүкэ улуустара түһүлгэлэринэн ыһыахтыыр сирдэригэр Үс Хатыҥҥа тиийэ сылдьан, тутуу арааһа ыытылла турарын көрдүм-иһиттим.
Үс Хатыҥ сылтан сыл аайы тупсан, киэркэйэн, тутуута элбээн иһэр. Улуустар ыһыахха бэлэмнэнэн, бэйэлэрин түһүлгэлэрин олохтоохтук оҥостоллор эбит. Онно-манна сүгэ, эрбии тыаһа — түһүлгэлэргэ үлэ күөстүү оргуйар.
Усуйаана олохтооҕо Анатолий Кириллов Уус Алдан улууһун тутааччыларын кытта дуогабардаһан, Аллайыаха улууһун түһүлгэтин саҥарда сылдьаллар.
Матырыйааллара бэйэлэриттэн эбит. Төлөбүрдэрин балыгынан кэпсэппиттэр. Куораттан сылдьан үлэлииллэр эбит. Бу күннэргэ үлэлэрин түмүктүүр былааннаахтар.
Аал Луук Маһы кырааскалыы сылдьаллар. Онон биир сүрүн эбийиэк эмиэ саҥардыллан эрэр.
«Сахаагроплем» тэрилтэ хорчуоппатын оҥоро сылдьалларыгар чугаһаан кэпсэттим. Бу тэрилтэ үлэһитэ Аркадий Софронов «саха балаҕана моһуоннаах хорчуоппа тутан саҕалаабыппыт нэдиэлэ буолла. Бу нэдиэлэ бүтүүтэ бүтэрэр былааннаахпыт», диэн кэпсээтэ.
Үөһээ Халыма улууһун түһүлгэтэ саҥатык оҥоһуулаах буолан, көстүүтэ — мааны.
Алдан улууһун түһүлгэтэ барыларыттан атына — хатыҥ маһа элбэх. Онон олох сайыҥҥылыы көстүү. Хотугу аҕыйах ахсааннаах норуоттар ураһаларын кытта нуучча ампаарын икки ардыгар саха сэргэтэ турара — араас омук сомоҕолоһуутун бэлиэтэ. Дириҥ ис хоһоонноох түһүлгэ.
«Саха балаҕана» диэн олохтоохтук оҥоһуллубут түһүлгэ быйылгы кыстыгы бэркэ аһардыбыт. Дьон былырыын сайын ыһыахтаан бүтэн мантан хайдах олорон тахсыбыттарай да, оннук турар. Араас былакааттара эмиэ туох да буолбатах. Сайыҥҥы куйааска хаххата да бэртээхэй эбит. Аны аҕыйах хонугунан манна ыскаатардарын эрэ уларыттылар да, түһүлгэлэрэ — бэлэм!
Барытыгар холобур буолар Өлөөн улууһун түһүлгэтэ улууһун ис айылгытын арыйар эмиэ бэртээхэй тутуулардаах, хаһаайынныы сыһыаннаах дьон сынньанар сирдэрэ эбит.
Дьэ уонна анаан бэлиэтээн көрбүт түһүлгэлэрим туһунан репортаажпын быйыл Олоҥхо ыһыаҕа ыытыллар Амма улууһун түһүлгэтинэн түмүктүүбүн.
Олох сахалыы тыыннаах түһүлгэ бу эбит. Тутуута барыта — дьон сынньанар усулуобуйатын тэрийиигэ туһуламмыт.
Дэлэҕэ да бу түһүлгэни олус сөбүлээн чыычаах уйаланыа дуо!
Дьэ, ити курдук, аны аҕыйах хонугунан Туймаада ыһыаҕа ыытыллар Үс Хатыҥҥа улуустар түһүлгэлэрин саҥардан, киэргэтэн баран, өрөспүүбүлкэтээҕи таһымнаах Үрүҥ Тунах Ыһыахха тоҕуоруһа мустуохтара.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…