Умайбыт гарааска киһи өлүгэ көһүннэ

ЫБММ Саха сиринээҕи управлениета иһитиннэрбитинэн, олунньу 22 күнүгэр 19.25 чааска баһаарынай-быыһыыр сулууспаҕа Дьокуускай куоракка Өктөөп 50 сыла уулуссаҕа баар гараас умайан эрэрин туһунан суһал иһитиннэрии киирбит.

Баһаарынайдар тута ыйыллыбыт аадырыһынан тиийбиттэр.

Баһаар түмүгэр 24 кв.м. гараас уонна үс гараас хоруобуйата (кровля) умайбыт.

Хомойуох иһин, биир киһи суорума суолламмыт.

Баһаары умуруорууга 23 киһи уонна  4 тиэхиньикэ үлэлээбит.