Дьокуускайга СӨ Национальнай бибилэтиэкэтин Историческай саалатыгар СӨ Култуураҕа уонна духуобунай сайдыытыгар министиэристибэтин «төгүрүк остуола» буолла.
Тэрээһин өрөспүүбүлүкэ норуоттарын үгэс буолбут духуобунай майгы-сигили сыаннастарын харыстааһыҥҥа уоннна бөҕөргөтүүгэ өрөспүүбүлүкэтээҕи бырагыраама бырайыагын сүрүн хайысхаларыгар уонна СӨ Култуураҕа министиэристибэтин 2022 сыллааҕы отчуотугар ананна. Манна бэлиэтэммитинэн, Арассыыйа норуоттарын култуураҕа нэһилиэстибэлэрин сылын чэрчитинэн 700-тэн тахса тэрээһин ыытылынна.
Ону сэргэ, РФ бэрэсидьиэнэ Владимир Путин саҥа ыйааҕын, Ил Дархан Айсен Николаев СӨ Судаарыстыбаннай мунньаҕар Ыҥырыытын чэрчитинэн боппуруостары ырыттылар.
«Төгүрүк остуолу» СӨ култуураҕа миниистирин солбуйааччы Афанасий Ноев иилээн-саҕалаан ыыттта.
Духуобунай майгы-сигили үгэс буолбут сыаннастарын харыстааһын уонна бөҕөргөтүү бырагырааматын быйыл саас култуура сайдыытын боппуруостарын уопсастыбаннай пуорумугар бигэргэтиэхтэрэ. билигин докумуон Ил Дархан Айсен Николаев сорудаҕынан оҥоһуллар. Бу үлэҕэ култуура салаатын биэдэмэстибэлэрэ, учуонайдар, айар сойуустар, тэлэбидиэнньэ, бэчээт уо.д.а. кыттыһыахтара.
Судаарыстыбаннай сүбэһит Андрей Борисов билигин бары күүһү, билиини, кыаҕы түмэр кэм кэлбитин, Арассыыйа култуурунай олоҕор саҥа түһүмэх саҕаланарын тоһоҕолоон бэлиэтээтэ. Кини атын саҕахтары арыйар култуурунай, майгы-сигили сыаннастарыгар анаан уопсастыбаннас улахан сийиэһин ыытарга этии киллэрдэ.
Бэрэпиэссэр, философия наукатын дуоктара Ульяна Винокурова этнопедагог Г.Н.Волков биэс көмүс быраабылатыгар сигэнэн, духуобунас, майгы-сигили сыаннастарыгар санаатын үллэһиннэ.
Салгыы култуура тэрилтэлэрин салайааччылара, учуонайдар сыллааҕы үлэлэрин отчуоттаатылар, инники былааннарын дьүүллэстилэр.
Хой Докумуоҥҥа болҕомтолоох буолуу ирдэнэр. Саҥа бырайыактарга ылсыма, албынныахтарын сөп. Уопсайынан нэдиэлэ устата улахан быһаарыныыны…
Бу күннэргэ Нам улууһугар оҕуруот аһын уонна хортуоппуй үүннэриитинэн дьарыктанар бааһынай хаһаайыстыбалар субсидия (көмө харчы)…
Оҕону иитэ ылар ыалга (эппэкииннэргэ, попечителлэргэ) биирдэ бэриллэр төлөбүр төлөнөр. Кинилэр РФ гражданнара буолуохтаахтар уонна…
Бу күннэргэ дойду тэбэр сүрэҕэр, Москва куоракка, «Хоту сир баайа. Арассыыйа маастардара уонна худуоһунньуктара» быыстапка-дьаарбаҥка…
Муус устар 30 күнүгэр уонна ыам ыйын 1 күнүгэр Күҥҥэ күүстээх эстиилэр буоллулар. Онон ыам…
Ойуур баһаардара дьон олоҕор, кыылга-сүөлгэ уонна үүнээйилэргэ улахан кутталы үөскэтэллэр. Ойуур хаһаайыстыбатын сулууспатыгар эрийэн тиийэр…