Салгыы
Устудьуоннарга видео-резюмены суруйарга үөрэттилэр

Устудьуоннарга видео-резюмены суруйарга үөрэттилэр

23.03.2023, 14:46
Хаартыска: ааптар тиксэриитэ
Бөлөххө киир:

Кулун тутар 17 күнүгэр Хотугулуу-Илиҥҥи федеральнай университет  Учуонай сэбиэтин саалатыгар үөрэххэ ураты наадыйар устудьуоннар (с особыми образовательными потребностями)  Саха Өрөспүүбүлүкэтин Нэһилиэнньэ дьарыктаах буолуутугар судаарыстыбаннай кэмитиэтин үлэһиттэрин кытары аан бастаан көрүстүлэр. Көрсүһүү үлэни биэрээччилэргэ  онлайн-сэһэргэһиини  тэрийии боппуруостарыгар ананна.

Судаарыстыбаннай кэмитиэттэн:  куорат уокуруктарын нэһилиэнньэтэ дьарыктаах буолуутугар управлениетын үлэтэ суох дьону кытары үлэҕэ отделын начаалынньыга Иванна Дмитриевна Аргунова, Нэһилиэнньэ дьарыктаах буолуутугар СӨ судаарыстыбаннай кэмитиэтин дьарыктаах буолууга актыыбынай бэлиитикэ отделын салайааччы Марианна Викторовна  Заровняева, СӨ нэһилиэнньэ дьарыктаах буолуутун киинин  административнай үлэҕэ уонна информатизацияҕа отделын уопсастыбаннаһы кытары сибээһин исписэлииһэ Степан Александрович Лыткин, бу отдел исписэлииһэ Намыына Валерьевна Охлопкова, куорат уокуруктарын  нэһилиэнньэтэ дьарыктаах буолуутугар управлениетын салайааччы Мария Трофимовна Слепцова кытыннылар.

Эҕэрдэ тылы бу дьаһалы тэрийээччилэр: М.К.Аммосов аатынан  ХИФУ инклюзивнай үөрэхтээһини сайыннарарга  Хотугулуу-Илиҥҥи научнай-инновационнай киин дириэктэрэ Пантелеймон Романович Егоров, үөрэҕи бүтэрээччилэри үлэҕэ ыларга  мониторинг  отделын начаалынньыга  Любовь Николаевна Игнатьева, ХИФУ устудьуоннар сайдыыларын управлениетын тэрээһин-методическай уонна иитэр үлэҕэ отделын начаалынньыга   Аида Михайловна Сячикова эҕэрдэлээтилэр.

2023 сыл тохсунньу 1 күнүнээҕи туругунан,  Хотугулуу-Илиҥҥи федеральнай университекка үөрэххэ ураты наадыйар 176, ол  иһигэр, көрөрүгэр кэһиллиилээх – 27,  истэригэр кэһиллиилээх – 21, тирэнэр-хамсанар аппараата кэһиллиилээх – 48,  ол иһигэр кэлээскэлээх – 2, соматическай ыарыылаах – 80  устудьуон үөрэнэр. Быйыл 28 устудьуон үөрэҕин бүтэрэр, онон,  чуолаан кинилэргэ анаан  университекка маннык тэрээһин аан бастаан ыытылынна.

Тэрийээччилэр устудьуоннарга видео-резюмены хайдах бэлэмниир, видео-резюме туох ордуктааҕын  уонна көрүҥүн уратытын туһунан кэпсээтилэр. Бу видео-билиһиннэрии –тус бэйэ туһунан уонна идэҕэ хаачыстыбаны үлэни биэрээччигэ  көрдөрөр уонна кэпсиир кыах. СӨ Дьарыктаах буолууга судаарыстыбаннай кэмитиэтин исписэлиистэрэ бэйэтин видео-резюметын оҥоруон баҕалаах хас биирдии устудьуону кытары кэпсэттилэр. Маннык резюме инникитин үөрэххэ ураты наадыйар исписэлиистэри үлэҕэ ылыан баҕалаах үлэни биэрээччилэргэ тарҕатыллар.

Пантелеймон ЕГОРОВ, ааптар тиксэрбит хаартыскалара

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
19 мая
  • 7°C
  • Ощущается: 6°Влажность: 39% Скорость ветра: 2 м/с

Сообщить об опечатке

Текст, который будет отправлен нашим редакторам: