Усуйааналар байыастар дьиэ кэргэттэригэр көмөлөһөллөр

Депутатскайга «Металлург» култуура дьиэтигэр үтүө санаа дьаарбаҥката тэриллибит.

Аҕалар түмсүүлэрэ (бэрэссэдээтэл Андрей Васильев) тэрээһини көҕүлээбит. Бу байыастар дьиэ кэргэттэригэр көмөлөһөр соруктаах ыытыллыбыт. Улуустааҕы физкултуура, успуорт уонна социальнай бэлиитикэ кэмитиэтэ өйөөбүт, тэрийсибит.

Дьаарбаҥкаҕа дьон-сэргэ көхтөөхтүк кыттыбыт. Ас-үөл астаан, барыанньа арааһын оҥорон аҕалбыттар. Балык минньигэһин атыылаабыттар. Атыылаһааччы да элбэх буолбут. Оттон тэрээһиҥҥэ киирбит, хомуллубут үп-харчы байыастар дьонноругар-сэргэлэригэр өйөбүл быһыытынан бэриллэр. Аахсыйа салҕанар диэн суруйар улуус дьаһалтатын пресс-сулууспата.

Усуйаана улууһун дьаһалтатын пресс-сулууспата