Салгыы
До выборов президента РФ
00 дней
:
00 часов
:
00 минут
:
00 секунд
Уу суолунан 135,0 тыһыынча туонна таһаҕас тиэрдилиннэ

Уу суолунан 135,0 тыһыынча туонна таһаҕас тиэрдилиннэ

21.09.2023, 20:00
Хаартыска СӨ нэһилиэнньэҕэ куттал суох буолуутун хааччыйар судаарыстыбаннай кэмитиэтиттэн
Бөлөххө киир:

Саха Өрөспүүбүлүкэтигэр быйылгы сылга олоххо-дьаһахха туттуллар таһаҕаһы уунан тиэйии былаана 1 273 тыһыынча туоннаҕа тэҥнэһэр.

Балаҕан ыйын 20 күнүнээҕи туругунан, барыта 1135,0 тыһыынча туонна тиэлиннэ, эбэтэр былаан 89 % туолла диэн СӨ нэһилиэнньэҕэ куттал суох буолуутун хааччыйар судаарыстыбаннай кэмитиэт иһитиннэрэр. Ону кытта 961 тыһыынча туонна (75%) таһаҕас тиийиэхтээх миэстэтигэр тиэрдилиннэ. Ааспыт сылы кытары бүгүҥҥү күнү тэҥнээн көрдөххө, таһаҕаһы тиэйии былаан быһыытынан баран иһэр.

Билигин СӨ нэһилиэнньэҕэ куттал суох буолуутун хааччыйар судаарыстыбаннай кэмитиэт Арктика өрүстэринэн таһаҕаһы тиэрдиини хонтуруолга тутар. Быйылгы навигацияҕа Арктика өрүстэринэн таһаҕаһы тиэйии былаана 361 тыһыынча туонна этэ. Бүгүҥҥү күҥҥэ, 344 тыһыынча туонна тиэллэн турар, ол былаан 95 %-нын ылар. Онтон 214 тыһыынча туонната тиэрдилиннэ.

Дьааҥы өрүһүнэн таһаҕаһы тиэйии ураты хонтуруолга ылыллан турар, манна былаантан кыратык хаалыы баар. Ол биричиинэтинэн, сайын уу түһэн, таһаҕастаах суудуна сырыыта харгыстаммыта буолар. Дьааҥы өрүһүнэн таһаҕаһы тириэрдии былаана 150 тыһыынча туонна. Бүгүҥҥү туругунан 159 тыһыынча туонна (105%) тиэллэн турар, итиэннэ 73 тыһыынча туонна (49%) тиэрдилиннэ.

+1
0
+1
0
+1
1
+1
0
+1
0
+1
0
+1
0
Бары сонуннар
Салгыы
27 февраля
  • -29°C
  • Ощущается: -29°Влажность: 68% Скорость ветра: 1 м/с

Сообщить об опечатке

Текст, который будет отправлен нашим редакторам: