Уус Алдаҥҥа саҥа амбулатория үлэтин саҕалаата

Уус Алдаҥҥа саҥа амбулатория үлэтин саҕалаата

05.10.2022, 11:35
Бөлөххө киир:

«Доруобуйа» национальнай бырайыак иитинэн Уус Алдан улууһугар Уус Күөлгэ толору хааччыллыылаах амбулатория үлэтэ саҕаланна.

СӨ Ил Дархана Айсен Николаев өрөспүүбүлүкэҕэ доруобуйа харыстабылын бастакы сүһүөх звенотун саҥардан оҥоруу бырагырааматынан уонна федеральнай үбү-харчыны туһанан, доруобуйа харыстабылын эбийиэктэрэ тутуллаллар, оройуон киин балыыһаларыгар, поликлиникаларга хапытаалынай өрөмүөннэр ыытыллаллар. Бу туһунан СӨ Ил Дарханын уонна бырабыыталыстыбатын пресс-сулууспата иһитиннэрэр.
Уус Күөлгэ амбулатория үлэҕэ киирбитэ олохтоохторго улахан үөрүү.  Уопсайа 130 кв.м. иэннээх дьиэни тутуу үлэтэ түргэнник бүттэ. Амбулатория мэдиссиинэ үлэһиттэринэн толору хааччыллыылаах, кэлбит дьону-сэргэни номнуо көрөн саҕалаата. Онон ыраах нэһилиэк олохтоохторо  ханна да айанныы барбакка, миэстэтигэр хаччыстыбалаах мэдиссиинэ көмөтүнэн туһанар кыахтаннылар, — диэн этэр Уус Алдан улууһун киин балыыһатын кылаабынай бырааһа Анна Петрова.

«Доруобуйа» национальнай бырайыагынан Уус Алдан оройуоннааҕы киин балыыһатыгар 16  мөл.солк. ордук үп көрүллүбүт. Амбулатория тутуллубутун таһынан, бу харчыга мэдиссиинэ тэрилтэлэригэр ноутбуктар, ЭКГ аппарааттара, ингалятордар, ыйааһыннар, о.д.а. наадалаах тэриллэр ылыллыбыттар. Лөгөй нэһилиэгин амбулаторията персоналы уонна ыарыһахтары таһарга анал тырааныспардаммыт.

Доруобуйа харыстабылын министиэристибэтэ иһитиннэрбитинэн, быйыл Саха сиригэр араас бырагырааманан Бүлүүгэ балыыһа комплексын бастакы уочарата, ону сэргэ, 27 биэссэр-акушер пууннара уонна амбулаториялар үлэҕэ киллэриллиэхтээхтэр. «Доруобуйа» национальнай бырайыак 2025 сылга диэри салҕанар.

Хаартыскаларга Анна Петрова түһэриилэрэ.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
15 апреля
  • -15°C
  • Ощущается: -15°Влажность: 56% Скорость ветра: 1 м/с

Сообщить об опечатке

Текст, который будет отправлен нашим редакторам: