Бэс ыйын 2-4 күннэригэр Ессентуки куоракка спортивнай миксфайтка Арассыыйа чөмпүйэнээтэ буолла. Онно 16 эрэгийиэнтэн 35 хамаанда, 600 киһи кытынна. Саха сириттэн 6 спортсмен ситиһиилээхтик кытынна диэн «Спорт Якутии» саайта суруйар.
Кинилэр өрөспүүбүлүкэ чиэһин дьоһуннук көмүскээтилэр. 67 киилэҕэ Василий Сергеев бастаата. Кини “Урааҥхай” спортивнай кулуупка, тириэньэр Тургун Поповка дьарыктанар. Түөрт киирсиигэ чаҕылхай кыайыылары ситистэ.
Оттон Алексей Протодьяконов 57 киилэҕэ диэри ыйааһыҥҥа үрүҥ көмүс мэтээли ылла. Ону тэҥэ, Кирилл Осипов (67 киилэ), Григорий Барашков (71 киилэ) боруонса мэтээли ыллылар.
Спортивнай миксфайт – ММА, панкратион курдук бойобуой ускуустубаларга майгынныыр истииллээх спорт көрүҥэ, кэнники кэмҥэ тэтимнээхтик сайдан уонна киэҥник тарҕанан иһэр.
Спортивнай кулууп салайааччыта Тургун Попов бары көмөлөспүт дьоҥҥо махтанна.
— Төһө да ыарахаттар баалларын иһин, биһиги бэйэбитин көрдөрдүбүт. Кытаанах киирсиилэргэ уолаттар дьоһуннук кытыннылар, бу көрүҥҥэ ыраах Саха сирэ кыахтааҕын көрдөрдө, — диэн кини эттэ.
Бүгүн, Улуу Кыайыы 79 сылын көрсө, «Кыайыы Знамята» аахсыйа чэрчитинэн Наталия Яцышина салайааччылаах Уус-Ньаратааҕы гимназист-волонтердар…
Саха сиригэр эдэр табаһыттар дьиэ тутталларыгар эбэтэр дьиэ атыылаһалларыгар 2 мөл. солк. диэри төлөбүр кээмэйин…
Саха сирин сүүмэрдэммит хамаандатын дзюдоистара Уһук Илин чөмпүйэнээтигэр икки кыһыл көмүс мэтээли ылары ситистилэр. Алина…
Арассыыйаҕа Дьиэ кэргэн уонна Саха сиригэр Оҕо саас сыла Ньурбаҕа бэлиэ түгэнинэн саҕаланна. Ыам ыйын…
Дьокуускайдааҕы кадеттар интэринээт-оскуолатын дириэктэрэ Алексей Корякин патриотизм туһунан санаатын үллэһиннэ. “Патриотизм төрөөбүт дойдуга, дьиэ кэргэҥҥэ…
“Улуу Арыйыылар аартыктарынан” («По пути Великих свершений») бырайыак чэрчитинэн Нуучча Географиятын уопсастыбатын (РГО) Саха сиринээҕи…